شەشۆ: ھەتا په‌كه‌كه‌ د شەنگالێ دە به‌ ئەولەھی چێنابە

شەشۆ: ھەتا په‌كه‌كه‌ د شەنگالێ دە به‌ ئەولەھی چێنابە

فه‌رمانداره‌كێ هێزێن پێشمه‌رگه‌ ل شه‌نگالێ راگهاند، په‌كه‌كه‌ سه‌ده‌ما سه‌ره‌كه‌ یا پێكنه‌هاتنا ئه‌وله‌هییا شه‌نگالێ یه‌.

قاسم شەشۆ، فەرماندارێ فەرماندارییا شەنگالێ یێ ھێزێن پێشمەرگە ئیرۆ ئاخڤی و گۆت: ژ بەر په‌كه‌كێ و کۆمێن سەر ب وێ ڤە، ئەولەھی ل شەنگالێ ئاڤا نابە و ھەتا ئەو د ناڤ شەنگالێ دە بن، ئەولەھی ژی چێنابە.

قاسم شەشۆ دیار کرییە: «رەوشا شەنگالێ خەرابە، ھەموو چەکدار د ناڤ شەنگالێ دە نە، ھەتا په‌كه‌كه‌ و ھێز و کۆمێن سەر ب په‌كه‌كێ ڤە، د ناڤ شەنگالێ دە بن، ئەولەھی چێنابە، نھا رەوشا شەنگالێ پر خەرابە، لەورا ژی خەلک نکارە ڤەگەرە، ھەتا پێشمەرگەیێن کوردستانێ و لەشکەرێ ئیراقێ ل گەل ھەڤ نەیێن ناڤ شەنگالێ، ئەولەھی ژی چێنابە».

شەشۆ ھەروھا گۆت: «ھێز و کۆمێن چەکدار و نەرەوا، د ناڤ شەنگالێ دە زێدە بوونە و ئەڤ یەک بوویە ئەگەر ئەولەھی چێنەبە، ئەو ھێز و کۆمێن نەرەوا، ناھێلن ئەولەھی چێببە».

چاڤكانی: peyamakurd