فه‌رمانداره‌كێ دیار یێ یه‌په‌گێ كه‌ت ده‌ستێ میتێ

فه‌رمانداره‌كێ دیار یێ یه‌كینه‌یێن پاراستنا گه‌ل یه‌په‌گێ كه‌ت ده‌ستێ ئیسخباراتا تركیێ و ژ بۆی ئه‌نقه‌رێ هات ڤه‌گوهاستن.

ل گۆری ئاژانسا ئه‌نادۆلێ یا ده‌وله‌تا تركیێ، ئیبراهیم بابات كو فه‌رماندارێ لیوایه‌كا یه‌كینه‌یێن پاراستنا گه‌ل یه‌په‌گێ یه‌، دوهـ رۆژا دووشه‌می 15/3/2021ێ، ژ بۆ ئه‌نقه‌رێ هات ڤه‌گوهاستن، پشتی كو ل رۆژێن رابووری كه‌تییه‌ ده‌ستێ ئیسخباراتا تركیێ.

ئیبراهیم بابات ژ ئاكنجیێن قامشلۆ یا رۆژئاڤا كورستانێ یه‌، مه‌دیا تركیێ دبێژه‌: وی د له‌كۆلینێ دا ئاگاهیێن پر گرینگ دانه‌ ئیسخباراتا تركیێ.

ئیبراهیم بابات فه‌رماندارێ یه‌په‌گێ ل رۆژێن رابووری وه‌ختا د ترومبێلا خوه‌ دا ل ناڤچه‌یه‌كا‌ رۆژئاڤایێ كوردستانێ كه‌تییه‌ ده‌ستێ ئیستخباراتا تركیێ، پاش ده‌سته‌سه‌ر كرنا وی، ئیسختباراتا تركیێ وێنه‌یێن وی ل ئه‌نقه‌ره‌یێ به‌لاڤ كرن كو ده‌ستێ وێ گرێداینه‌ و ئالایێ تركیێ ل كێله‌كا وی هاتنه‌ دانان.

Îbrahîm babat-ypg-یه‌په‌گه‌ (1)