ئاساییشا باشوور TNT یا په‌كه‌كێ ل سنۆرێ دهۆكێ ژناڤبر
هێزێن ئه‌وله‌هییا باشوورێ كوردستانێ هه‌وله‌كا دی یا ته‌رۆریستییا رێخستنا په‌كه‌كێ ژ بۆ ئه‌نجامدانا ته‌قینان ل سه‌ر رێیا گوندێن سینۆرێ پارێزگه‌ها دهۆكێ ژ ناڤ بر.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كر، هێزێن ئاساییش و ئه‌وله‌هیێ یێن باشوورێ كوردستانێ، دوهـی رۆژا سێشه‌مبی 12/3/2021ێ، شیان هه‌وله‌كا رێخستنا په‌كه‌كێ یا TNT كرنا رێیا ناڤچه‌یا ب ناڤێ «چه‌پێن چیایێ گامێركێ» كو دكه‌ڤیته پشتا گوندێ «راڤینا» یێ سنۆرێ پارێزگه‌ها دهۆكێ ژناڤ ببن.
ده‌ست نیشان كر، چه‌كدارێن په‌كه‌كێ ب ته‌رزێ ته‌رۆریستان مادده‌یا TNT ل وان چه‌پان دانابوو، لێ به‌لێ ئه‌ڤ هه‌ولا وان ژ هێلا هێزێن ئاساییشا باشوورێ كوردستانێ ڤه راستی شكه‌ستنێ هات كرن و ئه‌ڤ TNT پووچ كرن.
چاڤكانیێن مه ئه‌شكه‌ره كر، چه‌كدارێن په‌كه‌كێ ئه‌ڤ TNT ل ده‌مژمێر 5:50 به‌ربانگێ ل وان چه‌پان دانابوو، هێزێن ئه‌وله‌هیێ ژی بێ كو چ زیانه‌ك ب وان بكه‌ڤیت ژ ناڤ بر.
رێخستنا په‌كه‌كێ ل ڤان مه‌هێن داویێ ب ته‌رزێ ته‌رۆریستان ناڤچه‌یێن باشوورێ كوردستانێ ب تایبه‌ت رێیا پێشمه‌رگه‌هان مینرێژ دكه‌ت، داوی جار رێیا گوندێن ناڤچه‌یا باتووفێ TNT كربوو، لێ به‌لێ هه‌ر جار ئه‌ڤ هه‌ولێن وان ژ هێلا هێزێن ئه‌وله‌هیێ ڤه راستی شكه‌ستنێ تێن كرن.
هێژای گۆتنێ یه، حكوومه‌تا باشوورێ كوردستانێ، ژ نه‌مانا رژێما سه‌دام د هه‌ولێن به‌رده‌وام دا یه ژ بۆ كو ناڤچه‌یێن باشوور ژ مین و ته‌قه‌مه‌نییان خه‌لاس بكه‌ت، ئه‌و مینێن كو ل ده‌ما خوه ڤێ رژێما دكتاتۆر د رێیا پێشمه‌رگه‌هان دا د دانان، لێ به‌لێ په‌كه‌كه ژ نووڤه هاتییه و چاڤ ل رژێما سه‌دام دكه‌ت و رێیا پێشمه‌رگه‌هان مینرێژ و TNT دكه‌ت.
