ل ژێر سیبەرا حەشدا شەعبی یەنەکێ بارەگەهێن خوە ل مووسلێ ڤەکرن

ل ژێر سیبەرا حەشدا شەعبی یەنەکێ بارەگەهێن خوە ل مووسلێ ڤەکرن

یه‌كێتییا نشتیمانییا كوردستانێ ژ پاش بوویه‌رێن 16 ئۆكتۆبه‌رێ هه‌ژماره‌كه‌ باره‌گه‌هـ و كۆمیته‌یێن خوه‌ ل ناڤچه‌یێن كوردستانی یێن ژێر ده‌ستێ میلیشیا حه‌شدا شه‌عبی یا شیعه‌ ڤه‌كرنه‌، داوی یه‌ك كۆمیته‌یا تلكێفێ بوو كو به‌رییا چه‌ند رۆژان ب ده‌ستوورییا حه‌شدێ ڤه‌كرییه‌.

چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره‌ كر، یه‌كێتییا نشتیمانییا كوردستانێ ل رۆژا 2 ئادارا ئیسالێ 2021ێ، كه‌لوپه‌لێن باره‌گه‌ها خوه‌ ژ كۆمه‌لگه‌ها خه‌تارێ یا ئێزدییان ڤه‌گوهاستنه‌ مالا كادرۆیه‌كێ خوه‌ ب ناڤێ «عه‌لی عابد وه‌یسی شه‌به‌ك»، ل ناڤه‌ندا باژارۆكێ تلكێفێ.

هه‌روه‌ها ده‌ست نیشان كر، ل ده‌ستپێكا مه‌ها 2 یا ئیسالێ، مه‌له‌به‌ندا یه‌نه‌كێ ل مووسلێ ب نڤیسه‌كا‌ فه‌رمی داخواز ژ پارێزگه‌رییا مووسلێ و حه‌شدا شه‌عبی كربوو كو رێ ب وان بهێت دایین كو باره‌گه‌ها كۆمیته‌یا خوه‌ ل تلكێفێ ڤه‌كه‌ن.

پارێزگه‌رییا مووسلێ و هه‌یئه‌تا حه‌شدا شه‌عبی بێ كو تو نه‌رازیبوونه‌كێ نیشان بدن، ده‌ستووری ب یه‌نه‌كێ داییه‌ باره‌گه‌هێن خوه‌ ل ناڤچه‌یێن ژێر ده‌ستهلاتا وان ڤه‌كه‌ن و ژ وان كۆمیته‌یا تلكێفێ.

هێژای گۆتنێ یه‌، باره‌گه‌ها تلكێفێ دبه‌ چاره‌مین باره‌گه‌ها یه‌نه‌كێ كو ل ناڤچه‌یێن كوردستانی یێن داگیركری یێن ل ژێر ده‌ستێ حه‌شدا شه‌عبی تێن ڤه‌كرن، پشتی كو ل هه‌ر یێك ژ ناڤچه‌یێن به‌رتله‌، باشیك و وه‌لات شه‌به‌ك كۆمیته‌یێن خوه‌ ب ده‌ستوورییا حه‌شدا شه‌عبی ڤه‌كرین.

ئه‌ڤ ژی ب وێ واتایێ تێ كو حه‌شدا شه‌عبی تو پرسگرێكه‌ك نینه‌ كو یه‌نه‌كه‌ باره‌گه‌هێن خوه‌ ل ناڤچه‌یێن ژێر ده‌ستێ وان ڤه‌كه‌، ژ به‌ر كو یه‌نه‌كه‌ ل دژی پیلانێن وان ناسه‌كنه‌ و ناخوازیت ئه‌ڤ میلیشیا گرێدای ئیرانێ ژ ناڤچه‌یێ كوردستانێ یێن ده‌رڤه‌ی رێڤه‌به‌رییا باشوورێ كوردستانێ بچیت.