ئارتێشا ترکیێ چەند دەڤەرێن د بن دەستھلاتا ئارتێشا سووریێ دا بۆمبەباران کرن.
پشتی کو چەند مووشەک ل باژێرێ کلیسێ یێ ترکیێ ل سەر سنۆرێ سووریێ کەتبوون خوارێ، ترکیێ چەند دەڤەرێن د بن دەستھلاتا ئارتێشا سووریێ دا بۆمبەباران کرن و ھێزێن ئارتێشا وەلاتێ خوە ل دەڤەرێن سنۆری خستن ئامادەباشیێ.
ھەروھا حکوومەتا ترکیێ داخواز ژ رووسیایێ کر کو بریارا ئاگربەستێ بهێتە جێبەجێکرن و ئێدی رێ نەیێ دایین کو بوویەرێن ب ڤی رەنگی دوبارە ببن.
د ئادارا سالا بۆری دا، ئەنقەرە و مۆسکۆ ل سەر ئاگربەستا ل پارێزگەھا ئدلبێ یا ل باکوورێ رۆژئاڤایێ سووریێ ل ھەڤ کربوون، ئەڤ ژی پشتی ئێریشەکا ئارتێشا سووریێ بوو کو د ئەنجاما ئێریشێ دە 36 سەربازێن ترکیێ ھاتبوون کوشتن.
