جۆناسان گریت، نووچه‌گهانێ كه‌ناله‌كێ سویدی یه، ل سالا 2016ێ ژ بۆ ئاماده‌كرنا راپۆره‌كێ سەرەدانا باشوورێ کوردستانێ کربوو، ئه‌و دبێژیت: «ل سالا 2016ێ ئه‌ز ل سنۆرێ كه‌ركووكێ ڤه‌گه‌ریمه سلێمانیێ ژ بۆ كو هه‌ڤدیتنه‌كا مه‌دیایی ب لاهۆر شێخ جه‌نگی به‌رپرسێ دژه ته‌رۆرا یه‌نه‌كێ ئه‌نجام بده‌م».
جۆناسان دبێژیت: «به‌را كو ئه‌م هه‌ڤدیتنێ ده‌ست پێ بكه‌ین، من و لاهۆر جه‌نگی هنده‌ك نیقاش كرن، تشتا كو ژ بۆ من پر عه‌جێب ئه‌ڤ بوو كو ڤی به‌رپرسێ دژه ته‌رۆرا یه‌نه‌كێ دگۆت: ئه‌م دێ هه‌تا داوییا داعشێ ل ناڤچه‌یێ بمینن، پشتره ئه‌م دێ ژ بۆ ئارته‌شا ئیراقێ و حه‌شدا شه‌عبی چۆل بكه‌ین، ژ به‌ر كو ئه‌ڤ ده‌ر نه‌خاكا مه‌یه، خاكا عه‌ره‌بانه، ئه‌م ناخوازین كوردێن نه‌ته‌وه په‌رست ل ڤێرێ بمینن و كه‌ركووكێ ب كوردستانێ ڤه گرێده‌ن».
جۆناسان دبێژیت: «ئه‌ز ب ڤان گۆتنێن لاهۆر عه‌جێب مام، ژ به‌ر كو هه‌موه‌ختا ڤان گۆتنێن وی، من ددیت ل سه‌نگه‌ران پێشمه‌رگه‌هان خوینا خوه ژ بۆی پاراستنا كه‌ركووكێ درژاند، ل ئالێ دن ژی به‌رپرسه‌كێ حیزبی ئه‌ڤ نه‌رینه هه‌یه، له‌وما من ب هێنجه‌تا كێشه‌یه‌ك ته‌كنیكی هه‌ڤدیتن ب لاهۆر ئه‌نجام نه‌دا و من ب ستافێ خوه گۆت كو ئه‌م هه‌ڤدیتنێ ب كه‌سه‌كی را چێناكه‌ین كو ئه‌ڤ قاس ل همبه‌ری گه‌لێ خوه بێ وه‌فا بیت».
جۆناسان وه‌ها ئاخافتنا خوه ده‌وام دكه‌ت: «جهێ داخێ بوو پاش ڤه‌گه‌رینا من بۆ سویدێ و ل داوییا سالا 2017ێ، من گوهلێبوو ڤی به‌رپرسی گۆتنێن خوه كرن راستی و ئه‌ڤ ناڤچه راده‌ستی ئارته‌شا ئیراقێ و حه‌شدا شه‌عبی كرن و چ گوهـ نه‌دا وێ هه‌موو خوینا ل سه‌ر وێ خاكێ هاتییه رژاندن».
جۆناسان دبێژیت: «نها ژی ئه‌ز د فكرا خوه دا دبێژم: ب چ ئاوایی گه‌لێ وی قه‌بوول كر كو خائینه‌ك د ناڤا وان دا بژیت و به‌رپرسیاری هه‌بیت»!
