ل باشوورێ كوردستانێ 6 گه‌ریلا هاتن هه‌ده‌ف كرن
شه‌ش چه‌كدارێن دی یێن رێخستنا په‌كه‌كێ ل باشوورێ كوردستانێ، كه‌تن به‌ر ئێریشه‌كا ئارتێشا تركیێ، هه‌ر شه‌ش چه‌كدار هاتن هه‌ده‌ف كرن و جان داییه.
وه‌زاره‌تا پاراستنا نه‌ته‌وی یا تركیێ، ئیرۆ رۆژا پێنجشه‌مبیێ 25/3/2021ێ داخویانی دا و ئه‌شكه‌ره كر، د ئێریشه‌كا به‌ژاهی دا كو ئارتێشا تركیێ ئه‌نجام داییه، 6 چه‌كدارێن رێخستنا په‌كه‌كێ ل ناڤچه‌یێن ئۆپه‌راسیۆنا په‌نجا پلنگ هاتنه هه‌ده‌ف كرن.
ل گۆری داخویانیێ، هه‌ر 6 گه‌ریلایان جان داییه، وه‌زاره‌تا پاراستنا نه‌ته‌وی دیمه‌نێن ئێریشێ ل حه‌سابا خوه یا تویته‌رێ پارڤه‌كرنه، لێ به‌لێ ئه‌شكه‌ره نه‌كر كانێ ئه‌ڤ ئێریش ل چ ده‌مه‌كێ پێكهاتییه.
رێخستنا په‌كه‌كێ چ ئاگاهی ل ده‌ربارا ئێریشێ و ژ ده‌ست دایینا گه‌ریلایێن خوه نه‌دانه.
