فەرماندارێ گشتی یێ ئارتێشا میانمار مین ئانگ ھەڵنگ، د رۆژا جەژنا هێزێن چەکدار دا، د دەمەکێ دا کو سۆز دابوو “دەمۆکراسی”یێ بپارێزیت، هشیاری دا خوەپێشاندەرا کو خوەپێشاندانێن کۆلانان ئەنجام نەدەن. د ھەمان دەم دا، ھاتە راگھاندن کو ب کێمی ڤە 60 کەسێن کو بەشداری خوەپێشاندانێن ل دژی دەربەیا لەشکەری یا ل میانمارێ بووین ژ ھێلا ھێزێن ئەولەھیێ ڤە ھاتنە کوشتن.
ل باژارێ سەرەکی یێ یانگۆن، مەدیایا ھەرێمی راگھاند کو ھێزێن ئەولەھیێ گولـلە بەردان خوەپێشاندەرێن کو ل بەر دەرگەهێ بنگەهێ پۆلیسان خوەپێشاندان دکر.
وێنەیێن ل سەر مەدیایا جڤاکی ھاتیە بەلاڤکرن عەڤرێن ب دوومان و گازا رۆندک رێژ یا ل کۆلانان نیشان ددەن. راپۆرت باس ل دیمەنێن ب ڤی رەنگی ل باژارێن دی ژی دکەن.