فەرماندارێ گشتییێ ھێزێن سووریا دەمۆکراتیک ل ده‌ربارا جه‌زاكرنا شه‌رڤانا یه‌په‌ژێ چیچه‌ك كۆبانی داخویانی دا و گۆت: «دۆزا چیچه‌كێ دۆزا مه‌یه، هه‌تا كو ئه‌م ب ساخی و سه‌لامه‌تی ڤه‌دگه‌رینن».
مەزلووم عەبدی ل سەر حه‌سابا خوە یا تویته‌رێ دەربارێ رەوشا شەرڤانا یەکینەیێن پاراستنا ژنێ یه‌په‌ژێ «چیچەک کۆبانی» دا گۆت: «چیچەک کۆبانی ل سالا 2019ان ژ ناڤ ئاخا سووریێ ھاتە رەڤاندن و دادگەھەکە ترکیێ جەزایێ ھەتا ھەتایێ ب سەر دە سەپاند، ئەڤ یەک ل دژی یاسایێن ناڤنەتەوەیی یە».
دیار کر، کەچا کۆبانی، چیچەک نە یەکەم کەسە کو رووبروویێ ڤێ رەوشێ دبە، دۆزا چیچەک و ھەڤرێیێن وێ ھەتا کو ئەم وان ب ساخی و سەلامەتی ڤەدگەرینن دێ دۆزا مە بە.
چیچەک کۆبانی 21ێ جۆتمەھا 2019ان ل گوندێ مشرەفا یێ عەین عیسا ژ هێلا چەکدارێن گرێدایی ترکیێ ڤە ھاتبوو دیلگرتن و ژ ئالیێ ترکیێ ڤە ب جینایه‌تا «ئەندامه‌تییا رێخستنێ» ھاتبوو گرتن کو ل رھایێ د زیندانێ دە یە، چەند رۆژ بەرێ دادگەھا ترکیێ جەزایێ ھەتا ھەتایێ ل سەر سەپاندبوو.
