وەزارەتا بەرەڤانیا رووسیایێ راگھاند کو کۆمێن چەکدار رێ نادەن وەلاتی ژ ناڤچەیێن دبن کۆنترۆلا وان دا یێن ل ئدلب و حەلەبێ دەرکەڤن.
جێگرێ سەرۆکێ ناڤەندا ھمەیمیم یا رووسیایێ ل سووریێ ئەلکساندەر کاربۆڤ دا خویاکرن، ب هاریکاریا رووسیێ دەرگەھێن سەراقب و میزناس ل پارێزگەھا ئدلبێ و دەرگەھێ ئەبوو زێدان ل پارێزگەھا حەلەبێ د ناڤبەرا ناڤچەیێن دبن کۆنترۆلا کۆمێن چەکدار و حکوومەتا سووریێ دا ھاتنە ڤەکرن.
ئەلکساندەر کاربۆڤ گۆت، تەڤی ڤەکرنا دەریێن د ناڤبەرا ھەرێمێن ژێر کۆنترۆلا کۆمێن چەکدار و حکوومەتا سووریێ دا چەکدار رێ نادەن خەلکێ کو ژ وان ناڤچەیان دەرکەڤن.
بەرپرسێ رووسی دیار کر، چەکداران بەند ل سەر رێیێن کو دچنە وان دەرگەھان داناینە و رێ نادەنە وەلاتیان ژ ناڤچەیێن دبن کۆنترۆلا وان دا دەرکەڤن.
