پارتییا ژیانا ئازادییا كوردستانێ پژاكێ، بالێ رێخستنا پهكهكێ یێ رۆژهلاتا كوردستانێ، دوو كادرێن خوه ل سنۆرێ سلێمانیێ تهسفییه كرن، پاش دهرباسبوونا نێزی دوو مههان ژ نووڤه هاتییه و دبێژیت: «ئیرانێ ئهو قهتل كرنه».
پارتییا ژیانا ئازادییا کوردستانێ پژاكێ کو باسکێ رێخستنا پهكهكێ یێ رۆژھلاتێ کوردستانێ یە، راگهھاندییە، دوو چەکدارێن وان ل دەڤەرا «شلێری» یا باژارۆکێ پێنجوێن یێ ھەرێما باشوورێ کوردستانێ ھاتنە کوشتن.
پژاکێ دایە زانین، ئەو چەکدارێن وان ل رۆژا 4ی شوباتا ئیسالێ، ب رەنگەکی ھۆڤانە و ژ ئالیێ «پەیایێن ئیرانێ» ڤە ھاتنە کوشتن.
چەکدارێن کو ھاتنە کوشتن، ب ناڤێ «ئاکۆ فەتحی» خەلکێ باژارۆکێ کامیاران یێ پارێزگەھا سنە یا رۆژهلاتا كوردستانێ یه و ناڤێ چهكدارێ دی ژی «مەھدی رزایی» یه و خەلکێ باژارێ کرماشانێ بوویه.
پژاكێ و رێخستنا پهكهكێ كوشتنا ڤان كادرێن خوه هلدایه سهرێ ئیرانێ، لێ بهلێ ل گۆری ئاگاهیێن دهستێ مه، ئهڤ ههردوو كادرێن پهكهكێ، ب دهستێ رێخستنێ ب خوه هاتنه تهسفییهكرن.
پێگهها «داركا مازی» دێ زانیاریێن ههری تایبهت ل دهربارا كوشتنا ڤان كادرێن پهكهكێ ب دهستێ پهكهكێ ب خوه ل رۆژێن بهێن بهلاڤ كهت.
رێخستنا پهكهكێ دیرۆكهكا پر درێژ یا تهسفییه كرنا كادرێن خوه ههیه، ئهڤ چهنده نه سیاسهتهكا پهكهكێ یه، لێ بهلێ ئهڤ رێخستنه د خوهزایا خوه ده وههایه، ههر كادرهكێ خوه وهختا موهیما وی ب داوی دهێت، تهسفییه دكهت و پاش دهرباسبوونا دهمهكێ وان ب شههید رادگههینیت، یان ژی جینایهتا قهتل كرنا وان دئێخیته ستۆیێ دهولهتێن ئیران و تركیێ.