رۆكێته‌كێ به‌رپرسێ گۆمركا په‌كه‌كێ كوشت

رۆكێته‌كێ به‌رپرسێ گۆمركا په‌كه‌كێ كوشت

به‌رپرسێ گۆمركا رێخستنا په‌كه‌كێ، ل گه‌ل 3 چه‌كدارێن دن یێن رێخستنێ كه‌تن به‌ر رۆكێته‌كا باله‌فرێن تركیێ و چ یێك ژ وان خه‌لاس نه‌بوو.

ئاژانسا ئانادۆلویێ یا ترکیێ به‌لاڤ كر، عومه‌ر ئایدن كو بەرپرسێ گومرکێ یێ په‌كه‌كێ یه‌، د ئێرشەکا ئاسمانییا باله‌فرێن ترکیێ دا ل قه‌ندیلێ هاتییه‌ هه‌ده‌ف كرن و جان داییه‌.

گه‌ریلایێ كو هاتییه‌ هه‌ده‌ف كرن، ب ناڤێ عومه‌ر ئایدن و كۆد ناڤێ رێناس ئایدنه‌، بەرپرسێ گۆمرکێ یێ په‌كه‌كێ بوویە، ئه‌ڤ كادرۆیێ په‌كه‌كێ ل گۆری ئاژانسا ئه‌نادۆلۆیێ خوەدی پێگەھەکە گریندگ بوویە د ناڤ په‌كه‌كێ دە، ھەیامەکە درێژە د بن چاڤدێریا میتێ دە بوو.

هێژای گۆتنێ یه‌، ئێریشا كو رێناس ئایدن تێده‌ هاتییه‌ هه‌ده‌ف گرتن، ل رۆژا 2ێ شباتا ئیسالێ ل دەڤەرا قەندیلێ هاتییه‌ ئەنجام دایین.

رێناس ئایدن ل سالا 1987ێ ژ دایك بوویه‌، ئه‌و ل سالا 1999ێ ته‌ڤلی په‌كه‌كێ بوویه‌.

په‌كه‌كێ ئه‌شكه‌ره‌ کربوو کو د ئەنجاما وێ ئێریشێ دا‌، هه‌ر یێك ژ گه‌ریلایێن وان ئیسماعیل کایا، عه‌گید راپەرین، مازلووم عەفرین ژیانا خوە ژ دەست دانە.