ئه‌مەریکا ئامادەیە هاریكاریێ ژ بۆ دەستپێکرنا دیالۆگا کوردی بكه‌ت

ئه‌مەریکا ئامادەیە هاریكاریێ ژ بۆ دەستپێکرنا دیالۆگا کوردی بكه‌ت

جیگرێ نوونەرێ ئامه‌ریكا ژ بۆ سووریێ داڤید برۆنستەن رادگه‌ھینیت، ژ بۆ دەستپێکرنا دانوستاندنان د ناڤبەرا پارتیێن کوردی دا ل رۆژئاڤایێ کوردستانێ، ئەو ئامادە نە هاریكاریێ بكه‌ن.

جیگرێ نوونەرێ ئه‌مەریکا ژ بۆ سووریێ داڤید برۆنستەن د ھەڤپەیڤینەکێ ل گەل مالپەرا كوردستان 24 بەشا ئینگلیزی دە راگه‌ھاند، ژ بۆ دەستپێکرنا دانوستاندنێن دیالۆگا کوردی د ناڤبەرا پارتیێن کوردی دا، ئەو پابەندن ب هاریكارییا خوە ژ بۆ دیتنا چارەیەکا دادوەرانە.

دیار کر ژی، ئەو پشتەڤانییا وان دانوستاندنان دکه‌ن، ژ بۆ ئالیێن کوردی ل سەر دەستھلات، ئابۆری، گەشەپێدان و ئارامییا ل وێ ناڤچەیێ بگه‌ھن رێکەفتنەکێ.

وی بەرپرسێ ئه‌مەریکی دا زانین، ھەتا نھا وان گەلەک جڤینێن یەکالی ب ھەردوو ئالیێن کوردی را کرینە و ئەو کار دکه‌ن ژ بۆ كو ھەردوو ئالی (ئه‌نه‌كه‌سه‌ و په‌یه‌نه‌‌كه‌) ڤەگەرن دانوستاندنان.

جیگرێ نوونەرێ ئه‌مەریکی ژ بۆ سووریێ گۆت ژی: دڤێت ئالیێن کوردی پرسگرێک و دۆسیەیێن خوە ل سەر مێزا دانوستاندنان گۆتوبێژ بکه‌ن، نە ل سەر مەدیایێ و ب رێیا داخویانییان.

برۆنستەن د مژدارا 2020 دا جھێ بالیۆز وڵام رۆبوجک گرت و نھا دیپلۆماتێ ھەری پایەبلندێ ئه‌مەریکایێ یه‌ ل رۆژئاڤایێ کوردستانێ و باکورێ رۆژھلاتێ سووریێ یە.

پارتیێن یەکیتییا نشتیمانییا کوردی په‌یه‌نه‌كه‌ و ئەنجوومەنا نیشتمانییا کوردی ئه‌نه‌كه‌سه‌ ژ مژدارا 2019 ڤە ب پشتگرییا ئه‌مەریکا، ھەرێما کوردستانێ و ھێزێن سووریەیا دەمۆکراتیک هه‌سه‌دێ دانوستاندنێن یەکرێزییا کوردی و بەشدارییا ئه‌نه‌كه‌سێ د ناڤا رێڤەبەرییا رۆژئاڤایێ کوردستانێ دا دکه‌ن، لێ دانوستاندن ژ ھلبژارتنێن ئه‌مەریکا ڤە راوەستیانە.