وەزیرێ دەرڤە یێ یەکیتیا ئەورۆپایێ جۆسێپ بۆڕەل ھشیاری دا رەژیما ئەسەد کو بەشداری گوفتووگۆیێن چارەسەریێ یێة د بن بانێ نەتەوەیێن یەکبوویی دا ببیت و ژ بۆ ب داوی ئانینا فشارا ل سەر گەلێ سووریێ و دانووستاندنێن ل گەل وەلاتان شێوازەکێ نوو ببینیت.
جۆسێپ بۆڕەل د ھەڤپەیڤینا خوەیا د رۆژنامەیا شەرق ئەل-ئەوسەت دا ھاتیە بەلاڤکرن دبێژیت: “دڤێت رەژیما ئەسەد تەڤلی گوفتووگۆیێن د بن سەرپەرەشتیا نەتەوەیێن یەکبوویی دا ببیت، ژ بۆ بریارا ناڤدەولەتی یا ژمار 2254 جێبەجێ بکەت.”
بۆڕەل ل سەر ھلبژارتنێن سەرۆکاتیێ یێن 17ێ تیرمەھێ ل سووریێ گۆت، ھەگەر ھلبژارتن بهێنە ئەنجام دایین، دڤێت ل گۆری ھەمان بریارێ بن.
وەزیرێ دەرڤە یێ یەکیتیا ئەورۆپایێ دەستنیشان کر، “رەژیما ئەسەد د بەشداربوونا گوفتووگۆیان دا تێک چوو. ژ بەر ڤێ یەکێ ھلبژارتنێن سەرۆکاتیێ دێ ژ بۆ ئاساییکرنا پەیوەندیان دگەل وێ دا بێ ئەنجام مینن.”
بۆڕەل بانگ ل حکوومەتا شامێ کر کو بریارەکا زەلال ژ بۆ گوھارتنا رەفتارێن خوە بدەت و شێوازێ خوە یێ دانووستاندنێ لگەل ھەموو وەلاتێن جیھانێ بگوھریت.
