مه‌ها ئادارێ ژ بۆی عه‌فرینییان پڕ ب ئێش بوو

مه‌ها ئادارێ ژ بۆی عه‌فرینییان پڕ ب ئێش بوو

مه‌ها ئادارا ئیسالێ ژ بۆ شێنیێن عه‌فرینێ پر ب ئێش بوو، هه‌ری كێم د ڤێ مه‌هێ ده‌، 44 سڤیل ژ هێلا كۆمێن چه‌كدارێن گرێدای تركیێ هاتنه‌ ره‌ڤاندن.

بنپێکرن و رەڤاندنێن سڤیلان ل عه‌فرینێ کو ژ دەما ھاتییە داگرکرن ڤە بەردەوام دکن، ل گۆری راپۆرا داوی یا ناڤەندا بەلگەکرنا بنپێکرنان یا ل رۆژئاڤایێ کوردستانێ، د مەھا ئادارێ دا 44 سڤیل ل عه‌فرینێ ژ ئالیێ کۆمێن چەکدارێن ب سەر ترکیێ ڤە ھاتنە رەڤاندن.

ناڤەندا بەلگەکرنا بنپێکرنان بال کشاندییە سەر بێدەنگییا جڤاکا ناڤدەولەتی ل ھەمبەری گرتن، دزی، تالان و کوشتنێن ل عه‌فرینێ چێدبن و راگھاندییە کو ژ دەستپێکا سالا 2021ێ 201 سڤیل ھاتنە رەڤاندن و دبیت ھەژمار هێژان زێدەتر بیت.

ل گۆری راپۆرا ناڤەندا بەلگەکرنا بنپێکرنان ھەتا نھا 7 ھەزار و 825 کەس ل ھەرێما عه‌فرینێ ھاتنە رەڤاندن، ھەزار و 120 کەس ئیشکەنجە ل وان ھاتییە کرن، 145 کەس ھاتنە کوشتن و د تەقین و ئێریشان دا ژی 2 ھەزار و 390 کەسان جان دایە.

ھەروھا ھاتییە دیار کرن کو دوهی 30ی ئادارێ ژی ژنەکا 80 سالی ھاتییە گرتن و ھەتا نھا 2 ھەزار دارێن زەیتوونێ ژی ھاتنە بڕین و تالان کرن.