پێنج پارتی و رێخستنێن کوردی پشتگری دان ھشیار ئۆزالپ

پێنج پارتی و رێخستنێن کوردی پشتگری دان ھشیار ئۆزالپ

پێنج پارتی و رێخستنێن کوردی یێن باکورێ کوردستانێ د داخویانیەکا ھەڤبەش دا، داخوازا سەربەستبەردانا جیگرێ سەرۆکێ گشتی یێ پەدەکە باکور ھشیار ئۆزالپ کرن، کو ئیرۆ ل دەریێ سنۆری یێ خابوورێ ژ لایێ ھێزێن ئەولەھیێ یێن ترکیا ڤە ھاتبوو دەستەسەرکرن. ل ئالیەکێ دی ھاتە زانین، کو ھشار ئۆزالپ پشتی نیڤرۆ ل جزیرێ سەربەست ھاتیە بەردان.

پەدەکە-باکور، پاک، پەسەکێ، پێلکورد و تەڤگەرێ ئیرۆ دەربارێ دەستەسەرکرنا جیگرێ سەرۆکێ گشتی یێ پەدەکە باکور ھشیار ئۆزالپ دا داخویانیەکا ھەڤبەش بەلاڤ کرن.

د داخویانیێ دا ھەر پێنج پارتی و رێخستنێن باکورێ کوردستانێ دەستەسەرکرنا ھشیار ئۆزالپ ژ ئالیێ ھێزێن ئەولەھیێ یێن ترکیا ڤە شەرمەزار کرن و داخوازا دەملدەست بەردانا وی کرن.

د  داخویانیا ھەڤبەشا وان ئالیان دا ئەڤە هاتە گۆتن:

“ئەم د گەل بەرێز ھشیار ئۆزالپ داینە و دڤێت دەملدەست سەربەست بهێتە بەردان.

جیگرێ سەرۆکێ پەدەکە-باکورێ بەرێز ھشیار ئۆزالپ رۆژا 31/3/2021ێ گاڤا کو ژ باشوورێ کوردستانێ دەرباسی باکورێ کوردستانێ دبوو د دەریێ خابوورێ دا ژ ئالیێ پۆلیسێن دەولەتا ترکیا ڤە ھاتە دەستەسەرکرن. پۆلیسان بەرێز ھشیار ئۆزالپ برە ئەمنیەتا سلۆپی یێ.

ئەم دەستەسەرکرنا بەرێز ھشیار ئۆزالپێ جێگرێ سەرۆکێ پەدەکە-باکورێ شەرمەزار دکەین، ئەم د گەل بەرێز ھشیار ئۆزالپ داینە و دڤێت دەملدەست سەربەست بهێتە بەردان.”

جیگرێ سەکرەتەرێ پارتیا دەمۆکراتا کوردستانێ ل باکور (پەدەکە-باکور) ھشیار ئۆزالپ ئیرۆ دانێ سبێ ل دەریێ سنۆری یێ خابوورێ ھاتبوو دەستەسەرکرن.

پوستێن ھەمان بەش