رووسیا ئێریشێ بنگەھێن میلیشیایێن سەر ب ترکیاڤە کر

رووسیا ئێریشێ بنگەھێن میلیشیایێن سەر ب ترکیاڤە کر

ل ئدلبێ بنگەھێن ھێزێن چەکدارێن  سەر ب ترکیا ڤە ھاتنە بۆمبەباران کرن.

ل گۆر زانیاریێن ھەرێمی، پشتی کو ئارتێشا ترکیا و میلیشیایێن سەر ب وێ ڤە، رێ نەدای خەلکێ مەدەنی ژ وان ھەر سێ رێیان کو وەکو کریدۆرا ئینسانی تێنە بناڤکرن و ل گۆر لھەڤ ھاتنا ترکیا و رووسیایێ ھاتبوونە ڤەکرن، سوددێ وەرگرن، رووسیا ژی لڤ و تەڤگەرێن خوەیێن لەشکەری ل ئیدلبێ زێدەتر کرنە.

ھاتە زانین کو ئیرۆ دانێ سپیدێ بالەفرێن شەری یێن رووسیایێ ل ئیدلبێ ئێریشی سەر پێگەهێن کۆمێن جیھادی یێن کو ترکیا پشتیڤانیا وان دکەت کرنە و د ئەنجاما ڤان ئێریشان دا ھژمارەکا زێدە یا میلیشیایان ھاتینە کوشتن و ھەژمارەکا دی ژی بریندار بوونە.

ھەفتەیا دەرباسبوویی ژی رووسیا 4 کەشتیێن دی یێن شەری شاندبوون رۆژھلاتێ بەحرا سپی و بسپۆرا ژی بەحسا ڤێ یەکێ کربوون کو ئەڤ ئامادەکاریە بۆ دەستپێ کرنا ئۆپەراسیۆنەکا بەرفرهە ل ئیدلبێ.