هه‌ڤسه‌رۆكێ به‌رێ یێ پارتییا ده‌مۆكراتیك یا گه‌لان سه‌لاحه‌ددین ده‌میرتاش دبێژیت: پارتییا كو پێویسته بهێته قه‌ده‌غه كرن، پارتییا داد و گه‌شه‌پێدان ئاكه‌په یه.
سه‌لاحه‌ددین ده‌میرتاش ل ده‌ربارا دۆزا گرتنا هه‌ده‌پێ كو دوهـی رۆژا چارشه‌مبیێ 31/3/2021ێ ژ ئالیێ دادگه‌ها ده‌ستووری ڤه هاتییه ڤه‌گه‌راندن ئاخڤی و گۆت: تشتا كو ل سه‌ر هه‌ده‌پێ دهێته مه‌شاندن، پێویسته ب هه‌مان ئاوایی ل سه‌ر ئاكه‌پێ ژی بهێته مه‌شاندن، ئاكه‌په پێویسته بهێته قه‌ده‌غه كرن.
ده‌میرتاش دبێژیت: هه‌گه‌ر ئه‌و دخوازن هه‌ده‌پێ بگرن ژ به‌ر كو شریكا په‌كه‌كێ بوو د پێڤاژۆیا ئاشتیێ دا، ل ڤێرێ پێویسته ب هه‌مان ئاوایی ئاكه‌په ژی بهێته گرتن.
ده‌میرتاش هه‌روه‌ها ئانی زمان كو شاندا هه‌ده‌پێ یێ كو ل ده‌ما خوه سه‌ره‌دانا قه‌ندیلێ كری، ل گۆری به‌ندا قانونێ 6551 و ئیراده‌یا ره‌جه‌ب ته‌یب ئاردۆگان هاتبوو گارانتی كرن.
هێژای گۆتنێ یه، ل مه‌ها رابووری دۆزا گرتنا هه‌ده‌پێ گه‌هشتبوو دادگه‌ها ده‌ستووری، لێ به‌لێ ئه‌ڤ دۆز هات راگرتن و ڤه‌گه‌راندن بۆ دۆزگه‌ریێ ژ بۆ كو كێماسیێن تێدا بهێنه چاره‌سه‌ر كرن، پشتره دێ بریار هێته دان كانێ هه‌ده‌په دێ مینیت، یان ژی دێ هێته قه‌ده‌غه كرن.
