بارەگەهێن پەکەکێ ل سنۆرێ کانی ماسێ هاتن ئارمانجکرن

بارەگەهێن پەکەکێ ل سنۆرێ کانی ماسێ هاتن ئارمانجکرن

د بەردەوامیا ئێریشێن ئاسمانی یێن دەولەتا ترکیێ ل سەر بنگەهـ و ستارگەهێن پەکەکێ د ناڤا باشوورێ کوردستانێ دا، ئیرۆ ژی بارەگەهێن پەکەکێ چەندین جاران هاتن ئارمانجکرن، و ب سەدەما ڤان ئێریشان زرار و زیانەک هەری مەزن گهیشتە سروشتێ باشوورێ کوردستانێ.

چاڤکانیێن پێگەها دارکا مازی ل باشوورێ کوردستانێ راگهاندن، ئیرۆ رۆژا پێنجشەمبی 1/4/2021ێ ستارگەهێن پەکەکێ ل سنۆرێ کانی ماسێ چەندین جاران هاتن ئارمانجکرن و ب ڤێ سەدەمێ زرارەک هەری مەزن ب سروشتێ ناڤچەیێ گهشتی، لێ هەیا نها هیچ زانیاریەک دەربارا زیانێن پەکەکێ د دەست دا نینە.

چاڤکانیێن پێگەها دارکا مازی ئاشکەرا کرن، ئیرۆ ل دەمژمێر 4:0ێ ئێڤاری بالەفرێن جەنگی یێن دەولەتا ترکیا ستارگەهێن پەکەکێ ل شکەفتا بابەکرا کو دکەڤیتە گەلیێ بازێ ل باشوورێ گوندێ بازێ یێ سەر ب ناحیا چەمانکێ ڤە بۆردۆمان کرینە و دو مۆشەک ل ستارگەهێن چەکدارێن پەکەکێ دانە، لێ هەیا  نها ناهێتە زانین زرارێن پەکەکێ چ بوونە.

چاڤکانیێن پێگەها دارکا مازی هەر وەها ئاشکەرا کرن ل دەمژمێر 4:45ێ ئێڤاری بالەفرێن ترکیێ دیسا بارەگەهێن پەکەکێ یێن ل چیایێ گابنیرکێ کو دکەڤیتە بەرامبەری گوندی شمایلا یێ سەر ب ناحیا کانی ماسێ بۆردۆمان کرینە.