كۆمێن چه‌كداران 6 كه‌س ژ عه‌فرینێ ره‌ڤاندن

كۆمێن چه‌كداران 6 كه‌س ژ عه‌فرینێ ره‌ڤاندن

كۆمێن چه‌كدارێن گرێدای تركیێ، 6 كه‌سێن دن یێن سڤیل ژ دۆربه‌را باژارێ عه‌فرینێ یێ رۆژئاڤا كوردستانێ ره‌ڤاندنه‌ و ئه‌ڤ 10 رۆژه‌ چاره‌نڤیسا وان نه‌دیاره‌.

رێخستنا مافێن مرۆڤان ل عەفرینێ راگھاند، گرووپا چەکداران یا ب ناڤێ پۆلیسێن لەشکەری، رۆژا 27 ئادارێ ب سەر گوندێ دارگرێ یێ ناڤچەیا ماباتایێ دە گرت و 4 وەلاتی ب جینایه‌تا پێوەندیێن وان ب رێڤەبەرییا خوەسەر رە، رەڤاندن.

ناڤێن کەسێن ھاتنە رەڤاندن وھا نە: «بەھزاد سوبحی ئۆسمان، روستەم عزەت عەلی، خەلیل ئەمیر، ئەمیر جەمیل جەمال».

رێخستنا مافێن مرۆڤان دیار کر، پۆلیسێن لەشکەری رۆژا 20ێ ئادارێ دوو برایێن ب ناڤێن: «بریم و عەنتەر نەبی مۆسۆ» ژ گوندێ چەقەلێ جوومێ رەڤاندنە و ھەتا نھا چارەنڤیسا وان ژی نە دیارە.

د وێ دەربارێ دە، رێخستنا مافێن مرۆڤان دبێژە، ھەر وەلاتییەکی کورد ل عەفرینێ ژ ئالیێ گرووپێن چەکداران ڤە تێ رەڤاندن، جینایه‌تا «پێوەندییا ب رێڤەبەرییا خوەسەر» رە ئاراستەیی وی دبە، د دەمەکێ دە کو چ کەسەکی عەرەب یان ترکمەن ب جینایه‌تا کو پێوەندییا وی بەرێ ب پارتییا بەعس رە ھەبوو نایێ دەستەسەر کرن.