یه‌كێتییا نشتیمانییا كوردستانێ ژ بۆ رێ گرتنێ ل ڤه‌گه‌را په‌ده‌كێ ژ بۆ كه‌ركووكێ، جاره‌كا دی ده‌ستێ خوه ئێخستییه ده‌ستێ حه‌شدا شه‌عبی، ژ بۆ كو ڤێ ئارمانجێ ژی ب جهـ بینیت، ل رۆژێن رابووری ل گه‌ل خه‌ته‌رترین فه‌رماندارێ ڤێ میلیشیاییا شیعه جڤین ئه‌نجام داییه.
هه‌ولێن بالێ لاهۆرێ شێخ جه‌نگی، هه‌ڤسه‌رۆكێ یه‌كێتییا نشتیمانییا كوردستانێ ژ بۆی بهێز كرنا پێگه‌ها حه‌شدا شه‌عبی ل كه‌ركووكێ ژ پاش بوویه‌رێن 16ی ئۆكتۆبه‌رێ نه‌سه‌كنینه، ل رۆژێن رابووری پیلانه‌كا دی یا قرێژ ئه‌شكه‌ره بوو، به‌پرسێن یه‌نه‌كێ ل كه‌ركووكێ ب فه‌رمانا لاهۆرێ جه‌نگی ل گه‌ل «ئه‌بۆ فه‌ده‌ك» شوونگرێ ئه‌بۆ مه‌هدی موهه‌ندس جڤین چێكرینه، مژارا جڤینێ چاوانییا رێگرتنێ بوو ل ڤه‌گه‌را په‌ده‌كێ بۆ كه‌ركووكێ و ئاوایێ وێ هاریكارییا كو یه‌نه‌كه دێ د ڤێ ده‌ربارێ دا پێشكێشی حه‌شدێ كه‌ت.
چاڤكانیێن پێگه‌ها «داركا مازی» ل باشوورێ كوردستانێ ئه‌شكه‌ره كر، ل رۆژا 9 شوباتا ئیسال 2021ێ «ئه‌بۆ فه‌ده‌ك» سه‌رۆك ئه‌ركانێ میلیشیا حه‌شدا شه‌عبی ل گه‌ل هه‌ژماره‌كا به‌رپرس و فه‌رماندارێن ده‌سته‌یا برێڤه‌به‌ر یا ڤێ میلیشیایا شیعه مه‌زهه‌ب، ب باله‌فره‌كا عه‌سكه‌ری گه‌هشتبوونه كه‌ركووكێ، ئه‌و بوو ده‌ما 3 رۆژان ل كه‌ركووكێ مابوو.
«ئه‌بۆ فه‌ده‌ك» و شاندا پێره ژ هێلا راكان جبووری پارێزگه‌رێ سه‌پاندی یێ كه‌ركووكێ و ئه‌بۆ ره‌زا نه‌جار فه‌رماندارێ ئه‌نییا باكور یێ حه‌شدا شه‌عبی، هه‌روه‌ها هنده‌ك ژ شێخ و كه‌ساتیێن سونه مه‌زهه‌ب ڤه هاتبوو پێشوازی كرن.
چاڤكانیێن پێگه‌ها مه ئه‌شكه‌ره كر، «ئه‌بۆ فه‌ده‌ك» بۆ ده‌ما 3 رۆژان ل كه‌ركووكێ مایه، د ڤان 3 رۆژان دا، جڤین ل گه‌ل ڤان ئالییان كرینه:
:لێ به‌لێ ژ به‌را كو ئه‌م باس ل جڤینا ل گه‌ل یه‌نه‌كێ بكه‌ین، پێویسته ئه‌م بزانین كانێ ئه‌بۆ فه‌ده‌ك كی یه:
