په‌كه‌كێ زارۆكه‌كێ دی یێ كورد ب كوشتن دا

په‌كه‌كه‌ زارۆكه‌كێ دی یێ كورد ب كوشتن دا

رێخستنا په‌كه‌كێ زارۆكه‌كێ دنێ كورد كو ژ باكورێ كوردستانێ ره‌ڤاندبوو ل چیایێ گاره‌ یێ باشوورێ وه‌لات ب ده‌ستێ عه‌سكه‌رێن ترك ب كوشتن دا، هه‌په‌گێ ل ده‌ربارا ڤی زارۆكی ئیرۆ به‌یانه‌ك پارڤه‌كر و پڕ ب روو قایمی دبێژه‌: ئه‌و میلیتانه‌كێ ب كێر هاتی یێ ئاپۆچی بوو.

هه‌په‌گێ بالێ له‌شكری یێ رێخستنا په‌كه‌كێ ئیرۆ داخویانییه‌ك پارڤه‌كر و تێده‌ باس ل گه‌ریلایه‌كی ب ناڤێ ئاندۆك ئۆره‌مار كرییه‌ كو د ئێریشا باله‌فرێن تركیێ ده‌ به‌رییا دوو رۆژان ل چیایێ گارێ جان داییه‌.

هه‌په‌گێ وه‌كه‌ هه‌رتم هه‌موو ئاگاهی ل ده‌ربارا ئاندۆك پارڤه‌كرنه‌، لێ به‌لێ تو ئاگاهی ل ده‌ربارا ته‌مه‌ن و رۆژا ژدایكبوونا وێ نه‌دانه‌، ژ بۆ كو جینایه‌تا ره‌ڤاندنا زارۆكێن كوردستانێ ل سه‌ر وێ ته‌سبیت نه‌به‌.

ئاندۆك ئۆره‌مار كو د ئێریشا گارێ ده‌ جان داییه‌، ژ وێنه‌یێن وی خوه‌یایه‌ كو ئه‌و هێژان د ته‌مان 13 هه‌یا 15 سالیێ ده‌یه‌، هێژان ریهـ و سمێلێن وی نه‌هاتنه‌، ل گۆری هه‌موو یاسایێن شه‌ر نابه‌ تو كه‌س د ڤێ ته‌مه‌نێ ده‌ وه‌ره‌ چه‌كدار كرن، یان ژی ته‌ڤلی رێخستنه‌كه‌ چه‌كداری ببه‌.

رێخستنا په‌كه‌كێ ژ بۆ چێكرنا شه‌رڤانان، پشت به‌ستنێ ل سه‌ر ره‌ڤاندنا زارۆكێن كوردان ژ هه‌ر چار په‌رچه‌یێن كوردستانێ دكه‌، ئه‌ڤ یێك ژ هێلا رێخستنێن مافێن مرۆڤان و رێخستنێن ناڤده‌وله‌تی ڤه‌ هاتییه‌ ته‌سبیت كرن.

پوستێن ھەمان بەش