رێڤه‌به‌رییا خوه‌سه‌ر جهێن كرستیانان داگیر دكه‌ت

رێڤه‌به‌رییا خوه‌سه‌ر جهێن كرستیانان داگیر دكه‌ت

هێزێن سووریایا ده‌مۆكراتیك و رێڤه‌به‌رییا خوه‌سه‌ر، ب داگیركرنا جهـ و وارێن كرستیانان تێ سووچبار كرن، كرستیان ڤێ یه‌كێ ب خه‌ته‌ری و گوهه‌رینا ده‌مۆگرافی حه‌ساب دكه‌ن.

رێڤه‌به‌رێ نه‌رینگه‌ها ئاشووری یا مافێن مرۆڤان ل سووریێ جه‌میل دیار به‌كری، بۆ رۆژنامه‌یا قودس ئه‌لعه‌ره‌بی دبێژیت‌: «هه‌ر یه‌ك ژ هێزێن سووریایا ده‌مۆكراتیك هه‌سه‌ده‌ و رێڤه‌به‌رییا خوه‌سه‌ر، ژ بۆ ئه‌نجام دانا گوهه‌رینێن ده‌مۆگرافی ل ناڤچه‌یێن كرستیانان ل پارێزگه‌ها حه‌سه‌كێ، كه‌تینه‌ ناڤا هه‌ولێن مه‌زن دا‌.

ده‌ست نیشان كر، هه‌سه‌دێ و رێڤه‌به‌رییا خوه‌سه‌ر، ل ناڤچه‌یا مالكیێ یا ل گونده‌وارێ حه‌سه‌كێ، ده‌ست دانایه‌ سه‌ر رووبه‌رێن به‌رفره‌هـ یێن زه‌ڤیێن چاندنێ یێن كرستیانان، ب تایبه‌ت ل گوندێ سویدیك یێ باشوورێ مالكیێ.

رێڤه‌به‌رێ نه‌رینگه‌ها ئاشوورییان ئه‌شكه‌ره‌ كر، خه‌لكێ كرستیان یێ گوندێ سویدیك حێبه‌تی مان وه‌ختا كو ل رۆژێن رابووری بلدۆزه‌رێن رێڤه‌به‌رییا خوه‌سه‌ر كه‌تینه‌ ناڤا زه‌ڤیێن وان دا‌ و ب به‌هانه‌یا بجهئینانا پرۆژه‌یه‌كی ئه‌و زه‌ڤی راست كرن.

هه‌روه‌ها گۆت: خه‌لكی رێگری كر، لێ به‌لێ رێڤه‌به‌رییا خوسه‌ر ژ وان را گۆت كو ئه‌ڤ پرۆژه‌ دێ هێته‌ بجهئینان و پێویسته‌ خه‌لك ده‌ست ژ رێگریێ به‌رده‌ن.

ل گۆری نه‌رینگه‌ها ئاشووری یا مافێن مرۆڤان، بریارا بجهئینانا پرۆژه‌ی ژ هێلا رێخستنا په‌كه‌كێ ڤه‌ هاتییه‌ دان و كرستیانان ئه‌ڤ یه‌ك ب گوهه‌رینا ده‌مۆگرافی و خه‌ته‌ری ل سه‌ر وارێ خوه‌ حه‌ساب كرینه‌.

پوستێن ھەمان بەش

پەکەکە چەوا ژ خەتا مەعسووم کۆرکماز یا 15 تەباخێ، بەر ب خەتا عەڤدللا ئۆجەلان یا 15 شوباتێ ڤە چوویە؟

زانیاریێن نه‌بهیستی ده‌ربارێ «پێنگاڤا 15 ته‌باخێ» یا په‌كه‌كێ، د ڤێ زنجیره‌ ڤیدیۆیێن «داركا مازی» دا بزانن

ژ خەتا 15ێ تەباخێ ھەیا خەتا 15ێ شوباتێ؛ د ناڤ پەکەکێ دا چەک و دژواری