وه‌كه هه‌رده‌م، ئیرۆ ژی چه‌كدارێن رێخستنا په‌كه‌كێ خوه نێزیكی گونده‌كێ دهۆكێ كر و ئه‌ڤ یه‌ك بوو سه‌ده‌م كو باله‌فرێن تركیێ لڤ و ته‌ڤگه‌رێن وان چه‌كداران هه‌ده‌ف بكه‌ن.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كر، ئیرۆ رۆژا ئینی 9/3/2021ێ، باله‌فرێن ده‌وله‌تا تركیێ لڤ و ته‌ڤگه‌رێن چه‌كدارێن په‌كه‌كێ ل نێزیكی گوندێ شمایلا یێ گرێدای ده‌ڤه‌را به‌رواری بالا ل پارێزگه‌ها دهۆكێ هه‌ده‌ف كر.
هێرش ل ده‌مژمێر 5:00 ئێڤارێ پێكهاتییه، وه‌ختا كو چه‌كدارێن په‌كه‌كێ ل چیایێ گابنێركێ یێ نێزیكی گوندێ شمایلا هه‌ده‌ف كرین، باله‌فران دوو رۆكێت ل چیای دان.
د 3 رۆژێن رابووری دا، ده‌وله‌تا تركیێ هێرشێن ئاسمانی ل سه‌ر گوندێن باشوورێ كوردستانێ زێده كرینه، د ڤان 3 رۆژان دا، 4 جاران هێرشا په‌كه‌كێ كرییه.
