رۆژنامەڤان ژیندار ئاخ د مالپەرا خوە یا فێسبۆكێ دا دایە خویا كرن کو، زەلامێن پەكەكێ ل باژێرێ ستۆكھۆلمێ ئێریشی وی كرنە و ئەو ئێشاندیە و گەف لێ كرنە.
ژیندار د مالپەرا خوە دا نڤیساندیە كو ئەو ژ ئێریش و گەفێن كەسێن کو بازرگانیێ ب خوینا كوردان دكەن ناترسیت:
رۆژنامەڤان ژیندار دبێژیت: ” رۆژا 9ێ نیسانا 2021 د ده‌مژمێر 14:05 دا، ئه‌ندامێ ڕێخستنا ته‌رۆریستی یا پەکەکێ یێ ب ناڤێ کۆد (عەباس بۆتی) کو ژ سێرت ئه‌روهێ یه، ل سه‌ر ناڤێ پەکەکێ ل ستۆکهۆلم، سەنتەرێ هاڵوندا، ب وەسلەیان خه‌راج کۆم دکر ب فیزیکی ئێریشێ من کر و گه‌ف ل من کرن. من پۆلیسێن ستۆکهۆلمێ سەبارەت ڤێ بوویەرێ ئاگەهدارکرن. ئه‌ز ژ گه‌ف و ئێرشێن که‌سێن کو بازرگانییێ ب خوینا کوردان دکەن ناترسم.”
تێ زانن کو رۆژنامەڤان ژیندار ئاخ یه‌ک ژ رۆژنامەرڤانێن چالاكە و د نڤیسین و بەرنامەیێن خوە یێن مالپەر، رۆژەڤ تیڤێ دا ب ڤەكری كریارێن پەكەكێ رەخنە دکەت و ژبەر ڤان ھەلوەستێن وی گه‌له‌ک جارا پەكەكێ گەف لێ كرنە.
دەما ل دیرۆکا پەكەكێ دنێری و باش دنرخینی، ئەڤ كریارا پەكەكێ ل دژی رۆژنامەڤان، ژیندار ئاخ، نه تشته‌ک نوویه و هه‌روه‌ها نه گه‌له‌ک غەریبە ژی. ژ بەر کو پەكەكێ ب سه‌دان سیاسه‌تمه‌دار و ڕه‌وشه‌نبیرێن نە ل گەل ئایدۆلۆژیا خوە كوشتنە و ئه‌و ژ هۆلێ ڕاکرنه. بەری چەن رۆژەكان ژی سیسەتمەدار و رەوشەبیرێ كورد ئیبراھیم گوچلۆ ب كوشتنێ تەھدید كربوو.
