کەسایەتیێ ئێزدی ل قەزا شنگالێ دیار کر: “نھا دەست ب کرینا جەھێ سالا بۆری ل شنگالێ ھاتیە کرن، ھەموو ژی، ژ بۆ ئیرانێ دهێتە شاندن. ئەڤ یەک ژی بوویە سەدەم نرخێ جەھی دو بەرامبەر گران ببیت.”
کەسایەتیێ ئێزدی ل شنگالێ قاسم دەربۆ ژ بۆی باسنیۆزێ راگەھاند: “دەست ب کرینا جەھی ل دەڤەرا شنگالێ ھاتیە کرن. ل گۆر زانیاریان ژی ئەو جەھێ د ناڤ سایلۆیان دا ژی ھەموو ھاتیە دەرخستن و ژ بۆ ئیرانێ ھاتیە شاندن. ئەڤ کار ھەموو ب پشتەڤانیا حەشدا شەعبی ھاتیە کرن و ئەڤ یەک بوویە سەدەم نرخێ جەھی گەلەک گران ببیت.”
ھەروەھا گۆت: “بەری نھا تۆنا جەھی 200 ھەزار دیناران ژی نەبوو لێ نھا تۆنا وێ بوویە 425 ھەزار دینار و دەست ژی ناکەڤیت. حەتا نھا تشتەکی باش ل شنگالێ چێنەبوویە رۆژ بۆ رۆژێ خرابتر دبیت.”
ھەروەھا ئاشکەرا کر: “ئەو جەھێ دەڤەرێ ھەموو بۆ ئیرانێ ھاتیە شاندن، حەتا جەھێ ناڤ سایلۆیان ژی نەهێلایە و ھەموو بریە.”
