میلیشیایێن ئیرانێ خەلکێ سووریێ یێ ھەژار ب پارەیان دکەنە لەشکەرێن خوە!

میلیشیایێن ئیرانێ خەلکێ سووریێ یێ ھەژار ب پارەیان دکەنە لەشکەرێن خوە!

ھاتە راگھاندن کو میلیشیایێن ئیرانێ یێن پشتەڤانیا رەژیما ئەسەد دکەن، خەباتێن خوە یێن ژ بۆ چەکدارکرنا گەلێ سووریێ ب پارەیان زێدە کرنە و ژ بۆ ڤێ ژی سوودێ ژ کێمیا دەرفەتێن کاری یێن خەلکی دبینن.

رۆژنامەیا ئەل-عەرەب راگھاندیە، “میلیشیایێن کو ئیرانێ ژ بۆ پشتگیریا رەژیما بەشار ئەل-ئەسەد ئیناینە، ژ رەوشا خرابا ژیانێ یا خەلکێ سوودێ وەردگرن و وان ب پارەیان د ناڤ رێزێن خوە دا ب چەک دکەن.”

دهێتە گۆتن، ملیسێن لیوایا فاتمیوون کو ژ لەشکەرێن ئەفغانی یێن شیعە ھاتیە ئاڤاکرن و ب سەر ئیرانێ ڤەیە، خەباتێن لەشکەرکرنێ د ناڤا گەلێ سووریێ دا ل گوندەوارێن رۆژھلاتێ حەلەبێ زێدە کرنە.

ھەروھا خەباتێن خوە یێن ئۆلی ژی بەرفرەھ دکەن و ژ بۆ پاراستنا رەژیما ئەسەد و سەپاندنا ھەبوونا خوە یا ئۆلی و جڤاکی د ناڤ لڤ و تەڤگەرێ دا نە.

ل ئالیێ دی چاڤدێریا مافێن مرۆڤان ل سووریێ ژی پشتراست کریە کو لەشکەرکرنا ژ ئالیێ لیوایا فاتمیوون ڤە ب رێیا پارەیانە و ژ رەوشا گرانا ئابۆری یا خەلکێ سوودێ وەردگرن داکو خەلکێ ب پارەیان چەکدار بکەن.