ھەڤژینا جڤاکناسێ ناڤدارێ ترک و دۆستێ گەلێ کورد ئیسماعیل بەشێکچی، لەمان بەشێکچی د 92 سالییا خوە دا کۆچا داویێ کر، لەمان بەشێکچی ئەڤ دەمەک بوو ل نەخوەشخانەیەکا ئەنقەرەیێ دھات دەرمان کرن.
وەقفا ئیسماعیل بەشێکچی ل سەر حه‌سابا خوە یا تویتەرێ ب کوردی و ترکی ئاگاھییا وەفاتا لەمان بەشێکچی پارڤە کرییه، د داخویانییا وەقفێ دا ھات گۆتن، «ھەڤژینا سەرۆکێ روومەتێ یێ وەقفا مە ئیسماعیل بەشێکچی، لەمان خانمێ وەفات کرییە، ئەم گەلەک ل بەر کەتن، رەحما خودێ ل دایکا لەمان بیت و خودێ سەبرێ بدەته مامۆستای و مالباتێ، جھێ وێ به‌هه‌شتا نوورانی بیت».
ھەڤژینا ئیسماعیل بەشێکچی، لەمان بەشێکچی 92 سالی بوو و ژ بەر نەخوەشیێن تەمەندرێژیێ ئەڤ دەمەک بوو ل ئەنقەرەیێ دھات دەرمانکرن، لەمان بەشێکچی، ل نەخوەشخانەیەکا ئەنقەرەیێ، ئیرۆ سپێدێ کۆچا داویێ کر.
