رووسیایێ بجھکرنا ھێزێن لەشکەری ل سەر سنۆرێن ناتۆیێ ئاشکەرا کر

وەزیرێ بەرەڤانیا رووسیایێ سێرگی شۆیگو، راگھاند کو 2 یەکینەیێن لەشکەری و 3 یەکینەیێن داخستنا ئاسمانی ل سنۆرێن رۆژئاڤا یێن ھەڤسنۆرێن ئەورۆپایێ ھاتنە بجھکرن.

شۆیگو ل باژێرێ سەڤەرۆمۆرسک یێ رووسیایێ دەربارێ چالاکیێن لەشکەری یێن ئامەریکا و ناتۆیێ دا داخویانی دان.

شۆیگو شاندنێن لەشکەری یێن ئامەریکایێ ب سەر ئاتلانتیکێ بەر ب ئەورۆپایێ ڤە ببیر خستن و دیار کر کو بەشەک مەزن ژ ھێزێن رووسی ل دەریا رەش و ھەرێما بالتیکێ ھاتنە بجھکرن.

ھەروھا شۆیگو، دیار کر کو ئەو ل بەندێ دانە ئامەریکا و ناتۆ 40 ھەزار لەشکەر و ئالاڤێن لەشکەری ل نێزیکی ھەرێمێن سنۆری یێن رووسیایێ بجھ بکەن.