ھێزێن رووسی خوه‌ ژ ناڤچه‌یێن یه‌په‌گێ ڤه‌كێشان

ھێزێن رووسی خوه‌ ژ ناڤچه‌یێن یه‌په‌گێ ڤه‌كێشان

سوپایێ رووسیا فه‌ده‌رال ئیرۆ هێزێن خوه‌ ژ دوو ناڤچه‌یێن ستراتیجی یێن سووریێ ڤه‌كێشان كو هێزێن یه‌كینه‌یێن پاراستنا گه‌ل یه‌په‌گێ ل وان ناڤچه‌یان هه‌نه‌.

ژ دوهـی رۆژا سێشه‌مبی ڤه‌ و هه‌تا ئیرۆ رۆژا چارشه‌مبی 14/4/2021ێ، هێزێن رووسیا ژ دەردۆرا باژارێ تەلرفعەت و ناڤچەیا شەھبایێ ڤه‌كێشان کو ھێزێن یه‌په‌گێ ل وان ناڤچەیان ھەنە، هێزێن رووسیا دوو بنكه‌یێن سه‌ره‌كی‌ ل وان ناڤچه‌یا ب جهـ هێلان.

کاروانێن ھێزێن رووسی ب  ئۆتۆمۆبیلێن سەربازی ژ بنکەیان ڤه‌كێشان و بەر ب ناڤچەیێن ل ژێر دەستی حکوومەتا سووریێ چووینە.

ل گۆر مەدیا نێزیکی رێڤەبەرییا خوەسەر، ھێزێن رووسی دوھی، ژ خالێن سەربازی یێن ل گوندێن تلرفعەت، شێراوا ڤەکێشان، مه‌دیا رووسی ژی راگه‌ھاندییە کو دێ ژ شەھبایێ دەرکەڤن و دەرباسی ھه‌رێمێن د بن دەستێ حکوومەتا سووریێ دا بن ل حەلەبێ.

ئەڤ یەک د دەمەکێ دایە کو ڤه‌كێشانا ھێزێن رووسی ژ ناڤچەیێ ببوو جھێ نەرازیبوونا خەلکێ ناڤچەیێ و خەلکێ ب هه‌لكرنا ئاگری ل سەر ھندەک رێیان نەرازیبوونا خوە نیشان دابوون.

پوستێن ھەمان بەش