ئه‌ندامه‌كێ سپایێ پاسداران هات كوشتن

ئه‌ندامه‌كێ سپایێ پاسداران هات كوشتن

ئه‌ندامه‌كێ سپایێ پاسداران یێ ر‌ژێما ئیرانێ، د ناڤا ئۆتۆمبێلا خوه‌ دا تێ هه‌ده‌ف كرن، بوویه‌ر ل سنۆرێ باژارێ پیرانشارێ  چێبوویه‌.

ل گۆری رێخستنا هه‌نگاو یا مافێن مرۆڤان، ئێڤارا دوهـ رۆژا ئینی 16/4/2021ێ، گرووپه‌كێ نه‌ناسكری ل سه‌ر رێیا سه‌ره‌كی یا گوندێ زیویه‌ یێ گرێدای پیرانشارێ، گوللـه‌ به‌ردان ئۆتۆمبێلا ئه‌ندامه‌كێ سپایێ پاسداران و كوشت.

ده‌ست نیشان كر، ئه‌ڤ ئه‌ندامێ سپایێ پاسداران ب عوسمان حاجی حسێنی تێ ناسكرن، ژ ئاكنجیێن پیرانشارێ یه‌ و ئه‌ڤ 17 ساله‌ د ناڤا رێزێن سپایێ پاسداران دا‌.

پاش ڤێ بوویه‌رێ، گرووپا ب ناڤێ ئه‌لهۆیێن زاگرۆسێ كو گرووپه‌كێ سه‌ربازی یێ نێزیكی پارتییا ده‌مۆكراتا كوردستانا ئیرانێ یه‌، كوشتنا عوسمانێ حاجی حسێنی هلدایه‌ سه‌رێ خوه‌.

پوستێن ھەمان بەش