تەلەڤیزیۆنا فەرمی یا دەولەتا ئیرانێIRIB ناڤێ کەسێ کو ئێریشی سەر بنگەها ئەتۆمی یا نەتەزنێ کری ئاشکەرا کر. ل گۆر راگھاندنا تەلەڤیزیۆنا فەرمی یا ئیرانێ کەسێ کو کارێ ئێریشا سەر بنگەهێ نەتەنز ل باژارێ ئەسفەھانێ ئەنجام دای رەزا کەریمی یە.
د نووچەیێ دا ھاتیە گۆتن کو رەزا کەریمی بەریا بوویەرێ، ژ ئیرانێ رەڤیایە و چوویە دەرڤەیێ وەلات. ژ بۆ کو ناڤبووری بهێتە گرتن خەباتا ئیرانێ یا یاسایی دەوام دکەت.
ئێرشا سەر ڤێ بنگەهێ د 11ێ مەھا نیسانێ دا چێبوویە و زرارەک مەزن گەهاندیە ڤێ بنگەها ئەتۆمی یا ئیرانێ، هندەک ژ بسپۆران رادگەهینن کو ب ڤێ ئێریشێ ئیران 8 مەهێن دی نکاریت وەکە بەری نها د ڤی بنگەهی دا کار بکەت، ئیران ڤێ ئێریشێ وەکو ئێریشا تەرۆریستی بناڤ دکەت.
