پەکەکە شوونوارێن دێرین یێن شنگالێ تالان دکەت

پەکەکە شوونوارێن دێرین یێن شنگالێ تالان دکەت

هاتە راگهاندن چەکدارێن پەکەکێ ل شنگالێ دەست ب تالانکرن و فرۆتنا شوونوارێن شەنگالێ کریە و هەژمارەکا هەری زێدە یا ڤان شوونوارێن دێرین ژ بۆی فرۆتنێ شاندینە ئیرانێ.

چاڤکانیێن پێگەها دارکا مازی ل باشوورێ کوردستانێ ئاشکەرا کر، پشتی دەست ب سەرداگرتنا شەنگالێ ژ لایێ چەکدارێن پەکەکێ ڤە، ڤان چەکداران ب ئامیرێن لێگەرینا شوونواران هەژمارەکا هەری زێدە یا شوونواران ل چیایێ شنگالێ کەشف کرینە و پشت را ب رێیێن قاچاغ دەرباسی ئیرانێ کرینە داکو ل وێرێ بفرۆشن.

شوونوارێن هەر وەلاتەکێ ب یەک ژ چاڤکانیێن ناسکرن و دەولەمەندیا شارستانیا گەلێ د وی وەلاتی دا دژیت دهێتە حەسابکرن، شنگال وەکو بەشەک ژ خاکا کوردستانێ خوەدی هەژمارەکا هەری زێدە یا شوونوارێن دیرۆکی یە، دهێتە گۆتن ژی کو د دەما خوە دا، ئەسکەندەرێ مەقدۆنی ل دەما داگیر کرنا بەغدایێ هەژمارەکا زێدە یا زێرێ ب دەست خوە خستی ئانییە و ل چیایێ شنگالێ ڤەشارتیە، ئەڤ یەک ب ئاوایەکی دیرۆکی ژ باب و باپیران ڤە هاتیە ڤەگێراندن، لێ ژبەر نەبوونا ئامیرێن پێشکەفتی د دەستێ خەلکی دا و قەدەغە بوونا ڤی کاری هیچ کەسەک نەکاریە وان پەیدا بکەت، لێ نها چەکدارێن پەکەکێ دەست ب تالانکرنا وان شوونواران و فرۆتنا وان ب ئیرانێ کریە.

ل گۆر چاڤکانیێن پێگەها دارکا مازی ل چیایێ شنگالێ پەکەکێ ب ئامیرێن هەری پێشکەفتی کاریە هەژمارەک ژ وان شوونواران کو د ناڤدا زێرێن سەر دەما ئەسکەندەرێ مەقدۆنی هەبوونە پەیدا بکەت.

چاڤکانیێن مە هەر وەها ئاشکەرە کر، ل دەما رابووری پەکەکێ چەندین ترۆمبێل ب ڤان شوونواران تژی کرینە و ئەو برینە، ئەڤ یەک ژی بوویە سەدەما نەرازیبوونا کوردێن ئێزدی، ژبەرکو ئێزدی دبێژن ئەڤ شوونوارە گرێدایی دیرۆک و شارستانیەتا شەنگالێ یە و نابیت ب ڤی ئاوا ئەو شوونوار بهێنە ئەنفالکرن و دزین.

پوستێن ھەمان بەش