پەکەکێ ل شنگالێ چار ئەندامێن خێزانەکێ بێسەروشین کرن

پەکەکێ ل شنگالێ چار ئەندامێن خێزانەکێ بێسەروشین کرن

ھەموەلاتیەکی شنگالێ راگەھاند، پشتی داییک و دو برا بەری چەند رۆژان ھاتنە بێسەروشین کرن، دوھی ژی بابێ وان دیار نەمایە و بێ سەروشینە.

چاڤکانیێن پێگەها دارکا مازی ل شەنگالێ راگهاند، “داییکا ب ناڤێ نادیرا حوسێن سەیدۆ یا 44 سالی و ھەر دو کورێن وێ یێن ب ناڤێن لەوەند نایف دەروێش و داخواز نایف دەروێش کو خەلکێ دوگرێ یا سەر ب قەزا شنگالێ نە، رۆژا 11/4/2021ێد ناڤا  دوگرێ دا ھاتنە بێسەروشین کرن.”

ھەروەھا راگەھاند ئیرۆ 18/4/2021ێ ژی: “سەمیانێ ڤێ خێزانێ یێ ب ناڤێ نایف دەروێش، چوویە جەم چەکدارێن پەکەکێ داکو ل چارەنۆسا ئەندامێة مالباتا خوە بپرسە، لێ جارەکا دی نەڤەگەریایە و ژ دوھی ڤە تەلەفۆنا وی داخستیە و بێ سەروشینە.”

چاڤکانیێن مە هەر وەها ئاشکەرا کر، داییک و دو کورێن وێ خواستنە بچن سەرەدانا دختۆری بکەن، ژ بۆ وێ ژی داخوازا ترۆمبێلەکێ کرنە و پشتی ل ترۆمبێلێ سوار بوونە، هیچ ئاگاھیەک ژ وان نەزانیە و حەتا ناھا بێ سەروشینن.

ھەرواھا ئاشکەرا کر: “سەمیانێ ڤێ مالباتێ ژی کو ل گەل پەکەکێ کار دکەت، چوویە گەل وان و نەڤەگەریایە و تەلەفۆنا وی ژی داخستیە و پەیوەندیا وان قوت بوویە.” یەک ژ ئەندامێن ڤێ خێزانێ گۆت:”مە دخواست ژ شنگالێ دەرکەڤین و بچینە پارێزگەھا دوھۆکێ، لێ داییک و دو برایێن من ل گەل یەک و پشترا ژی بابێ من ھاتنە بێ سەروشین کرن.”