ئەسەد ژ بۆ ھلبژارتنێن سەرۆکاتیێ خوە نامزەد کر

ئەسەد ژ بۆ ھلبژارتنێن سەرۆکاتیێ خوە نامزەد کر

سەرۆکێ سووریێ بەشار ئەسەد ژ بۆ ھلبژارتنێن سەرۆکاتیێ یێن ژ لایێ رەژیما شامێ ڤە 26ێ گولانێ دێ هێنە لدارخستن، سەرلێدانا نامزەتیێ کر.

ھاتە راگھاندن کو ئەسەد ئیرۆ 21ێ نیسانێ ژ بۆ ھلبژارتنێن سەرۆکاتیا سووریێ خوە نامزەد کریە، ل گۆری یاسایێ کەسێن دبنە نامزەد حەتا 28ێ نیسانا 2021ێ دکارن سەرەدانا دادگەھا دەستوورێ بکەن، داکو ناڤێ خوە تۆمار بکەن.

ھێژایی گۆتنێ یە، ھلبژارتنێن سەرۆکتیا سووریێ کو ژ لایێ رەژیما ھەیی ڤە بریارا وێ ھاتیە دان، ژ لایێ جڤاکا ناڤدەولەتی ڤە ناهێتە پەسەندکرن، ل گۆری بریارا نەتەوەیێن یەکبوویی دڤیا پشتی چارەسەریا کریزا سووریێ د بن چاڤدێریا جڤاکا ناڤدەولەتی دا ھلبژارتن بێنە کرن.

بەشار ئەسەد 55 سالییە و پشتی کو بابێ وی حافز ئەسەد سالا 2000ێ وەفات کر کەتیە شوونا وی کو ژ وی دەمی ڤە سەرۆکێ سووریێ یە.