اکۆنترۆلکرنا ڤیرۆسا کۆرۆنا ل رۆژهلاتێ کوردستانێ و ئیرانێ، ب سەدەما گەندەلی و کیرنەهاتنا رایەدارێن رەژێما ئیرانێ ژ دەست دەرکەتیە، د نها دا ڤیرۆسا کۆرۆنا هەموو رۆژهلاتێ کوردستانێ و ئیران ڤەگرتیە و هەر کو دچیت قوربانیێن ڤێ ڤیرۆسێ زێدەتر دبن.
د نها دا پرانیا باژێرێن رۆژهلاتێ کوردستانێ د رەوشا سۆر و پڕ مەترسی دا نە.
د دەما جەند رۆژێن داویێ دا ب تەنێ ل باژێرێ بۆکان 10 کەسا ب سەدەما کۆرۆنایێ جانێ خوە ژ دەست دایە و ب سەدان کەسێن دی ژی ب ڤێ ڤیرۆسێ کەتینە.
رۆژا شەمی 14/4/2021ێ، ل پارێزگەها ئۆرمیێ هەزار و 391 کەس ب کۆرۆنایێ کەتن و 17 کەسان جانێ خوە ژ دەست دا، هەژمارا گشتی یا کەسێن ب کۆرۆنایێ کەتی ل ڤێ پارێزگەها رۆژهلاتێ کوردستانێ گهشتیە 4 هەزار و 8 کەسان.
ئەڤ یەک د دەمەکێ دا یە کو پرانیا باژێرێن رۆژهلاتێ کوردستانێ د رەوشەکا ب ڤی ئاوا دا نە و رایەدارێن رەژێما ئیرانێ هیچ هەولەکا جدی ژ بۆی کۆنترۆل کرنا ڤێ ڤیرۆسێ نادەن و نەخوەشخانەیێن رۆژهلاتێ کوردستانێ د رەوشەک هەری خەراب دا نە.
ل گۆر داتایێن وەزارەتا تەندرۆستی یا رەژێما ئیرانێ، هەیا نها ب سەدەما ڤیرۆسا کۆرۆنا نیزی 69 هەزار کەس ل ئیرانێ بوونە قوربانی.
