ژ لایێ دەولەتا ترکیا ڤە ئیرۆ هندەک گوندێن سەر ب دەڤەرا نهێلێ کو دکەڤنە سنۆرێ قەزا ئامێدیێ بۆدرۆمانکرن.
چاڤکانیێن پێگەها دارکا مازی ل باشوورێ کوردستانێ ئاشکەرا کر، ئێڤارا ئیرۆ رۆژا یەکشەمبی 25/4/2021ێ بالەفر و تۆپخانەیێن دەولەتا ترکیێ ئاقارێ گوندێ بەرچێ و چیایێ مەتینا بۆردۆمان کرنە، لێ خۆشبەختانە ڤێ بۆردۆمانێ هیچ زیانەکا جانی ل دووڤ خوە نەئانین.
چاڤکانیێن مە هەر وەها ئاشکەرا کر، ئەڤە جارا یەکەمینە کو ب ڤی رەنگی نێزیکی گوندێ بەرچێ دهێتە بۆردۆمانکرن، ئەڤ یەک ژی ژ بۆی نێزیکبوونا چەکدارێن پەکەکێ ژ ڤان گوندان ڤەدگەریت.
یەک ژ شێنیێن گوندێ بەرچێ کو نەخواست ناڤێ وی بهێتە ئاشکەرا کرن و وێنە ژ بۆی مە شاندینە ئاشکەرا کر، نها چەکدارێن پەکەکێ ژبەرکو ژ بۆی پاراستنا جانێ خوە تێنە نێزیکی گوندێ مە یان هندەک جاران دکەڤنە ناڤا گوندی دا بوونە بەلایا سەرێ مە، ئەم ژ وان داخواز دکەین داکو جانێ خوە بپارێزن جانێ مە نەکەنە د مەترسیێ دا، گەر پەکەکە دخوازیت کوردینیێ بکەت، گەر دخوازیت شەری بکتە و کوردستانێ ئازاد بکەت بلا بچیتە باکور و شەرێ خوە ل گوندێن مە دوور بکەت.
یەک دی ژ شێنیێن گوندێ بەرچێ ئاشکەرا کر، ئەم ناخوازین ب دەردێ ئامەدێ بچین، ئەم ناخوازین چەوا پەکەکێ ب بەهانەیا شەرێ خەندەکان ئامەد وێران کر و ب سەدان کەسا دانە کوشتن، ب بەهانەیا پاراستنا جانێ خوە مە ژی بدەنە کوشتن و پشترا مە بکەنە مژارا پرۆپاگاندایێ د چاپەمەنیا خوە دا.
