رێخستنا په‌كه‌كێ دیرۆك پر درێژ یا ته‌سفییه كرنێ هه‌یه، ژ ئاڤا بوونا ڤێ رێخستنێ و هه‌تا رۆژا مه یا ئیرۆ ئه‌ڤ سیاسه‌ت به‌رده‌وامه، وه‌لاتپارێز، كه‌ساتێن نه‌ته‌وی، مخالفێن رێخستنێ و هه‌ر كه‌سێ جاره‌كێ سیاسه‌تا په‌كه‌كێ ره‌خنه ژی بیت هاتییه تاسفییه كرن، ب سه‌دان كادرێن رێخستنێ د ڤێ رێ دا چووینه، د نها دا یێ كو ڤان كریارێن ته‌سفییه كرنێ ئه‌نجام دده‌ن، رێخستنێن جه‌میل باییك و موراد قارایلانن.
پاش ده‌ستپێكرنا پێڤاژۆیا ئاشتیێ یا كوردی – كوردی ل رۆژئاڤایێ كوردستانێ و نێزیكبوونا كو ل نێڤبه‌را رۆژئاڤا و باشوور دا چێبووی، هه‌موه‌خت زه‌ختا ئه‌مه‌ریكایێ ل سه‌ر په‌كه‌كێ ژ بۆ كو ده‌ستێ خوه ژ رۆژئاڤا راكه‌ت، په‌كه‌كێ مه‌زلووم عه‌بدی فه‌رماندارێ هه‌سه‌دێ ئێخستییه د لیستا خوه یا ته‌سفییه كرنێ دا، ئه‌و هزر دكه‌ت مه‌زلووم ژ رێیا رێخستنێ ده‌ركه‌تییه و ئێدی ئه‌و ل گه‌ل ئه‌مه‌ریكاییان دخوازیت په‌كه‌كێ ل رۆژئاڤا بێ باندۆر بكه‌ت.
چاڤكانیێن پێگه‌ها داركا مازی ل رۆژئاڤا كوردستانێ هنده‌ك ئاگاهیێن هه‌ری تایبه‌ت ل ده‌ربارا هه‌ولێن په‌كه‌كێ یێن ته‌سفییه‌كرنا هه‌ژماره‌كا كه‌ساتیێن كو ژ هێلا رێخستنێ ڤه داخواز كری ب ده‌ست ئێخستنه، ل گۆری وان ئاگاهییان، رێخستنا په‌كه‌كێ ب ته‌علیماتێن شه‌خسێ جه‌میل باییك لیسته‌ك ئاماده كرییه و تیمه‌ك ژ بۆ ته‌رۆر كرنا وان ئه‌رك دار كرییه.
چاڤكانیێن پێگه‌ها داركا مازی ل رۆژئاڤا كوردستانێ ئه‌شكه‌ره كرنه كو ب فه‌رمان و ته‌علیماتێن جه‌میل باییك هه‌ڤسه‌رۆكێ كه‌جه‌كێ، تیمه‌كا تایبه‌ت ژ بۆ ته‌رۆر كرنا هه‌ژماره‌كا كه‌ساتیێن رۆژئاڤا كوردستانێ هاتییه پێكئینان، هه‌تا نها ڤێ تیمێ هه‌ژماره‌كا كادرێن رێڤه‌به‌رییا خوه‌سه‌ر و فه‌رماندارێن په‌كه‌كێ ل رۆژئاڤا ته‌رۆر كرینه، چه‌ندین جاران ژی هه‌ولا ته‌رۆر كرنا مه‌زلووم عه‌بدی داینه.
هه‌روه‌ها ده‌ست نیشان كر، هه‌ولێن ڤێ تیما ته‌سفییه‌كرنێ یا په‌كه‌كێ ژ بۆ ته‌رۆر كرنا مه‌زلووم عه‌بدی راستی شكه‌ستنێ هاتنه، ژ به‌ر كو مه‌زلووم ژ ئالیێ یه‌ك ژ ئه‌ندامێن ڤێ تیمێ ب خوه و هه‌روه‌ها هه‌ڤپه‌یمانییا ناڤده‌وله‌تی ڤه هاتییه هایدار كرن، هه‌موه‌خت نها مه‌زلووم عه‌بدی ژ هێلا هێزه‌كا ئه‌مه‌ریكی ڤه دهێته زێره‌ڤانی كرن.
بۆچی په‌كه‌كه دخوازیت مه‌زلووم ته‌سفییه بكه‌ت؟
