گەنەرالێ ئه‌مەریکا جۆزێف ڤۆتێل دیار کر، ژ بەر كو ئه‌مەریکا خوه ژ ئیراقێ ڤه‌كێشا، رێخستنا تەرۆریستی یا داعشێ ل ئیراقێ ئاڤا بوو ڤه و بهێز كه‌ت، نووری مالكی به‌رپرسیاره.
گەنەرال جۆزێف ڤۆتێل کو فەرماندارێ بەرێ یێ فەرماندارییا ناڤەندییا ئارتێشا ئه‌مەریکایێ ل رۆژھلاتا ناڤین بوو دا زانین،‘ چارەسەرییا پرسگرێکان و ژناڤ برنا داعشێ، تەنێ ب رێیا لەشکەری نابیت، پێویستە ب رێیا دیپلۆماسی و چارەسەرییا سیاسی ژی هه‌بیت.
ڤۆتێل ھەروه‌ھا ده‌ست نیشان كر، ئه‌گه‌را داگیرکرنا مووسلێ یا ژ ئالیێ داعشێ و شکەستنا ئارتێشا ئیراقێ ژی، ئێخسته ستۆیێ سەرۆکوەزیرێ وێ دەمێ یێ ئیراقێ نووری مالکی و گۆت: وی ئارتێشا ئیراقێ کر ئارتێشەکا سیاسی.
فەرماندارێ ئه‌مەریکایێ ئەشکەرە کر، ڤەکێشانا بەشەک ژ پرانییا ھێزێن ئه‌مەریکا ژ ئیراقێ، یەک ژ ئه‌گه‌رێن دووباره بهێز كه‌تنا داعشێ بوو ل وی وەلاتی.
هێژای گۆتنێ یه، یه‌كه‌م جار ل رۆژا 18/12/2011ێ، ئه‌مەریکا و حکوومەتا وی دەمی یا ئیراقێ، د سەرۆکاتییا نووری مالکی دا، ل سەر ڤەکێشانا ھێزێن ئه‌مەریکی ژ ئیراقێ گه‌هشتبوون رێككەفتنێ.
