وەزیرێ دەرڤە یێ بەرێ یێ ئامەریکا جۆن کێڕی گۆتنێن زەریف د دەربارێ ئاشکەراکرنا نهێنیێن ئێریشێن لەشکەری یێن ئیسرائیلێ ل دژی بنگەھێن ئیرانێ ل سوورییێ رەد کر.
د تۆمارا دەنگی یا وەزیرێ دەرڤە یێ ئیرانێ، جەواد زەریف، کو ئەڤ چەند رۆژن ئاشکەرا بوویە و د پرانیا مەدیایێن جیهانی دا هاتیە بەلاڤکرن، زەریف گۆتبوو کو جۆن کێڕی ئەو دەربارا ئێرشێن ئیسرائیلێ ل دژی بەرژەوەندییێن کۆمارا ئیسلامی یا ئیرانێ ل سووریێ هایدار کریە. ل گۆر گۆتنان، ھەژمارەک پارلامەنتەرێن کۆماری د کۆنگرێسێ دا داخواز کریە کو کێری دەست ژ پلەیا خوەیا نھا د حکوومەتا جۆ بایدن دا بەردەت.
نیۆ یۆرک تایمز د ڤێ دەربارێ دا د راپۆرەکێ دا راگھاند، کو دبیت کێری زانیاریێن نهێنی پێشکێشی دژمنەکێ ویلایەتێن یەکبوویی یێن ئامەریکایێ کربن.
وەزیرێ بەرێ یێ کارێن دەرڤە یێن ئامەریکایێ مایک پۆمپێیۆ، سەبارەت بەردەوامیا پەیوەندیێن د ناڤبەرا زەریف د گەل کێڕی دا ب تایبەتی پشتی ب داوی هاتنا کارێ کێری د وەزارەتا دەرڤە یا ئامەریکایێ دا گۆت: “ئەڤ تۆمارا دەنگی تشتێ کو من ب سالان دگۆت دوپات دکەت.”
