حکوومەتا سعوودیێ رادگهینیت کو کێشەیا سەرەکی یا مە و ولاتێن رۆژهلاتا ناڤین مایتێکرنێن رەژێما ئیرانێ نە د ناڤچەیێ دا و ئیران پشتەڤانا سەرەکی یا تەرۆریزمێ یە.
شازادە محەمەد بن سەلمان، جێنشینێ پاشایێ سعوودیێ، سەرێ سپێدە یا ئیرۆ رۆژا چارشەمبی 28.4.2021ێ، د گۆتوبێژەکێ دا د گەل مەدیایا ئەلعەرەبیە سەرەرای کو راگهاند ئیران وەلاتەکی جیرانێ مە یە و مە پێ خوەشە ب ئاشتی درێژاهیێ ب پەیوەندیێن خوە د گەل ئیرانێ دا بدین راگهاند: “کێشەیا سەرەکی یا مە دگەل ئیرانێ دا، مایتێکرن و پشتەڤانیکرنا ڤی وەلاتی یە ل تەرۆرێ کو ئەز هێڤیخوازم ئەڤ کێشەیە نەمینیت و وەلاتێن ناڤچەیێ بشێن د گەل ئیرانێ دا بەردەوامیێ ب پەیوەندیێن خوە بدەن”.
بن سەلمان بەردەوام کر کو ریاز رێ ب هەبوونا میلیشیایێن تەرۆریستی یێن حووسی یێن سەر ب ئیرانێ ل سنۆرێن عەرەبستانێ نادەت.
هەر وەها دەربارا پەیوەندیێن عەرەبستانێ د گەل ئامەریکایێ دا گۆت: سیاسەتا دەرڤە یا مە ل گۆر بەرژەوەندیێن عەرەبستانا سعوودی نە و ئامەریکا ژ بۆی مە هەڤپەیمانەکا ستراتەژیکە.
