ئامەریکا و ئیسرائیلێ ل دژی گەفێن ئیرانێ کۆمیتەیەکا هەڤبەش پێک تینن

ئامەریکا و ئیسرائیلێ ل دژی گەفێن ئیرانێ کۆمیتەیەکا هەڤبەش پێک تینن

“جیک سالیوان” شێورمنەدێ ئاسایشا نەتەوی یا ئامەریکایێ و “یۆسی کۆهن” شێورمەندێ ئاسایشا نەتەوی یا ئیسرائیلێ د جڤینا خوە یا سێشەمبیێ دا ل واشنگتۆن ل سەر ڤێ یەکێ رێکەفتن کو ل دژی گەفێن بالەفرێن بێ پیلۆت و مۆشەکێن رەژێما ئیسلامی یا ئیرانێ کۆمیتەیەکا هەڤبەش پێک بینن.

د ڤێ جڤینێ دا شێورمەندێن ئاسایشا نەتەوی یا ئامەریکا و ئیسرائیلێ دلگرانیا خوە دەربارا مژارا پێشڤە چوونا بەرنامەیا ئەتۆمی یا ئیرانێ د سالێن رابووری دا دیار کر و سالیوان، یۆسی کۆهەن دەربارا پێشهاتێن گۆتوبێژێن دەربارا زیندی کرنا رێکەفتنا ئە ۆمی هایدار کر.

پێگەها “تایمز ئاو” یا ئیسرائیلی د ڤێ دەربارێ دا نڤیساند، بریارە “یۆسی کۆهەن” د جڤینەکێ دا د گەل بەرپرسێن بالا یێن ئامەریکایێ دا، بەلگەیێن کارێن ڤەشارتی یێن رەژێما ئیرانێ دەربارا بەرنامەیا ئەتۆمی یا ڤێ رەژێمێ بێخیتە بەر دەستێ حکوومەتا جۆ بایدن و ئامەریکایێ ب پەیوەستبوون ب رەکەفتنێ پووشمان بکەت.

هەر وەها بریارە “ئایو کوخاوی” بەرپرسێ دەستەیا سوپایێ ئیسرائیلێ، د گەل بەرپرسێن پەنتاگۆنێ دا کۆم ببیت، داکو داخوازا چاڤدێریا ناڤدەولەتی و کۆنترۆلا ل سەر بەشا لەکۆلین و وەرارا ئیرانێ و بەرەڤ پێش برنا بەرنامەیا ئەتۆمی یا ڤی وەلاتی بکەت.