ب ڤیدیۆ – ل مه‌تینی تركیێ ئێریشی په‌كه‌كێ كر
باله‌فرێن ده‌وله‌تا تركیێ ئیرۆ لڤ و ته‌ڤگه‌رێ په‌كه‌كێ ل مه‌تینی و ئاڤاشین هه‌ده‌ف كرن، 5 چه‌كدارێن رێخستنێ جان دا.
وه‌زاره‌تا به‌ره‌ڤانیێ یا تركیێ، ل حه‌سابا خوه یا تویته‌رێ به‌لاڤ كر، ئیرۆ رۆژا پێنجشه‌می 29/4/2021ان ئێریش ل مه‌تینایێ و ئاڤاشین هاتنه ئه‌نجام دان و 5 گه‌ریلا هاتنه هه‌ده‌ف كرن.
ده‌ست نیشان كر، ب ڤێ ئێریشێ هه‌ژمارا چه‌كدارێن په‌كه‌كێ كو د ئێریشێن رۆژێن رابووری ل مه‌تینی، ئاڤاشین و باسیان هاتنه هه‌ده‌ف كرن، گهیشت 42 چه‌كداران.
رێخستنا په‌كه‌كێ ل ده‌ربارا ڤێ ئامارا تركیێ تو ئاگاهی نه‌دانه، لێ به‌لێ مه‌دیا رێخستنێ بێ ناڤبر نووچه‌یێن شه‌ر پارڤه دكه و دبێژه له‌هنگێن مه ب ده‌هان عه‌سكه‌ر جه‌زا كرنه.
هه‌ر یێك ژ ئارتێشا تركیێ و رێخستنا په‌كه‌كێ، زرارێن جانی یێن هه‌ڤ راست نابێژن و هه‌ر ئالییه‌ك ژ هێلا خوه ڤه ئامارێن زێده رادگهینه و ڤان ئاگاهییان وه‌كه شه‌ره‌كی راگهاندنێ ل دژی هه‌ڤ د مه‌شینن.
