هەڤدەم د گەل 1ی گولانێ، رۆژا جیهانی یا کارکەرا، رێخستنا مافێن مرۆڤ یا هەنگاو، راپۆرەک ل سەر بنپێکرنا مافێن کارکەران ل رۆژهلاتێ کوردستانێ بەلاڤ کریە.
ل گۆر ئامارێن هەنگاوێ، ل 1/5/2020ێ حەتا 1/5/2021ێ، هەری کێم 712 حالەتێن بنپێکرنا مافێن کارکەرا ل رۆژهلاتێ کوردستانێ هاتنە تۆمارکرن کو جان ژ دەست دانا 68 کارکەرا ب سەدەما کار کرنێ، کوشتن و برینداربوونا 16 کارکەر و جۆتکارا ب سەدەما تەقینا مینا، کوشتن و بریندار بوونا 255 کۆلبەر و کاسبکارا، دەستەسەرکرنا 18 چالاکڤانێن کارکەر و کۆلبەر، هەر ووسا دەرکرنا 254 کارکەران ل کارێن وان ب خوە ڤە دگریت.
د ڤی دەمی دا هەری کێم 5 کەسێن بن 18 سالیێ دا جانێ خوە ژ دەست دایە کو یەک ژ وان ب سەدەما بوویەرێن کارکرنێ و 4 ژ وان ل دەما کۆلبەریێ جانێ خوە ژ دەست دایە.
هێژایی گۆتنێ یە مافێ جڤینا، رێخستن و ئازادیا رێخستنی ل گۆر ستاندەردێن جیهانی یێن مافێن مرۆڤان وەکو یاسایێن مافێن مرۆڤا و مافێن سەرەکی یێن کار د سیستەما رەژێما ئیسلامی یا ئیرانێ دە نینە. ب تەنێ رێکخراوێن کارکەرا یێن کو سەر ب رژێمێ نە مافێ چالاکیان د جیهێ کار کرنێ دە هەیە لێ چ باندۆرەک ژی ل سەر باشترکرنا رەوشا کاری دا نینە، بەلکو ب تەنێ پارێزەرێن بهایێن ئیدۆلۆژیک یێن دەستهلاتێ نە ل جیهێ کار کرنێ دا.
