ئارتێشا ترکیا، گوندەوارێن باکورێ رۆژھلاتێ باژێرێ منبجێ و یێن دەردۆرا ناڤەندا ناڤچەیا تل رەفعەتێ تۆپباران کر.
ل گۆر ناڤەندا راگھاندنێ یا مەجلیسا لەشکەری یا منبجێ دیار کر، ئارتێشا دەولەتا ترک یا داگیرکەر، ژ بارەگەھا ل گوندێ قیراتایێ باکورێ باژێرێ منبجێ، گوندێ ھۆشەریێ یێ باکور-رۆژھلاتێ باژێری، ب ھاونان تۆپباران کر.
ھەمان چاڤکانیێ دا زانین، بەریا وێ ب چەند دەمژمێران، ئارتێشا داگیرکەر گوندێ عەرەب حەسەنێ مەزن ژی کربوو ئارمانجا ئێریشێن خوە.
ھەروھا، گوندێ شێخ ھیلال، شێخ عیسا و دەردۆرا ناڤەندا ناڤچەیا تل رەفعەتێ ژی ژ لایێ ئارتێشا ترکیا ڤە ب دژواری ھاتنە تۆپبارانکرن.
