ترکیێ بنگەهەکێ سەربازی ل چیایێ کەڤرەسۆر دانا

ئارتێشا ترکیێ ب رێیا ئەسمانی، بنگەهەکێ سەربازی ل چیایێ کەڤرەسۆر یێ ل سنۆرێ ناحیا کانی ماسی جیگر کر.

رێڤەبەرێ ناحیا کانی ماسێ سەربەست سەبری ژ K24ێ را دیار کر: “شەڤا دی شەر د ناڤبەرا پەکەکێ و ترکیێ دا ل دەڤەرێ بەردەوام بوو و پشترا ل پەی بۆمبەبارانەکا توند ل دژی بنکەیێن پارتیا کارکەرێن کوردستانێ (پەکەکێ)، ھێزێن ترکیێ ڤێ سپێدێ ل چیایێ کەڤرەسۆر داکەتن و بنگەهەکێ سەربازی ل وێ دەڤەرێ جێگیر کر.”

سەربەست سەبری ھەروھا دیار کر: “ژ 27ێ مەھا بۆری ڤە ئارتێشا ترکیا ل دەڤەرێن زنارا کێستە و بلنداھیێن چەلکێ مەسیحیان و مەلا رەدێ، ژ ھەلیکۆپتەرێ داکەتن و بنگەهێ خوە یێ سەربازی جیگر کر.”