پێشمه‌رگه‌هێن باشوور نوقته‌یێن خوه‌ ل ده‌ڤه‌را به‌رواری بالا چێكرن

پێشمه‌رگه‌هێن باشوور نوقته‌یێن خوه‌ ل ده‌ڤه‌را به‌رواری بالا چێكرن

پێشمه‌رگه‌هێن باشوور نوقته‌یێن خوه‌ ل ده‌ڤه‌را به‌رواری بالا چێكرن

پێشمه‌رگه‌هێن باشوورێ كوردستانێ ژ بۆ پاراستنا سنۆر، ئیرۆ هه‌ژماره‌كا نوقته‌یان ل ده‌ڤه‌را به‌رواری بالا چێكرن كو ئه‌ڤ ده‌مه‌ك درێژ بوو ژ به‌ر چه‌كدارێن په‌كه‌كێ نێزی وان ناڤه‌چه‌یان نه‌ببوو.

چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره‌ كر، ئیرۆ رۆژا سێشه‌می 4/5/2021ێ، هێزێن پێشمه‌رگه‌ یێن باشوورێ كوردستانێ، هه‌ژماره‌كه‌ نوقته‌یان ل ده‌ڤه‌را به‌رواری بالا چێكرن.

 ناڤچه‌یێن كو پێشمه‌رگه‌هان نوقته‌یێن نوو لێ چێكرنه‌ ئه‌ڤن:

  1. رۆژئاڤایێ گوندێ بریفكا و باشوورێ گوندێ هروورێ.

  2. رۆژهه‌لاتا گوندێ كێسته‌ كو جیهه‌كێ ستراته‌ژیكه‌.

  3. سینۆرێ گوندێ بادۆكێ كو دكه‌ڤه‌ پشتا گوندێ دشێشێ.

  4. دۆریانا گوندێ ئه‌دن و سه‌ره‌روو ل چه‌لێ مایێ.

  5. هنداڤا گوندێ مایێ و ژ باكور ڤه‌ ل هنداڤا چه‌ما ل بێدوهێ.

  6. خالا بناڤیێ ل هنداڤ كانیكا محه‌مه‌د عه‌لی بناڤی و نێزی كێرا مۆچكێ.

هێزێن پێشمه‌رگه‌هێن باشوورێ كوردستانێ ئه‌ڤ ده‌ما چه‌ندین سالانه‌ ژ بۆ كو چ ئالۆزی ل نێڤبه‌را وان و چه‌كدارێن په‌كه‌كێ دا چێنه‌بن، نێزی وان ناڤچه‌یان نه‌بوویه‌، ئیرۆ ژی ژ بۆی پاراستنا وان ناڤچه‌یان و دووركه‌تنا شه‌ڕێ تركیێ و په‌كه‌كێ ژ سنۆرێ وان گوندان، نوقته‌یێن خوه‌ ل وان ناڤچه‌یان جێگیر كرن.

ده‌وله‌تا تركیێ ل 23 مه‌ها رابووری ئێریشه‌كا به‌رفره‌هـ ل سه‌ر په‌كه‌كێ ل ده‌ڤه‌را به‌رواری بالا ده‌ست پێ كربوو، چه‌كدارێن په‌كه‌كێ زنارا كێسته‌ د ده‌مه‌كه‌ هه‌ری كێم دا‌ ب جی هشت و تركیێ باره‌گه‌ها خوه‌ ل وێرێ ئاڤا كر.

ب سه‌ده‌ما لڤ و ته‌ڤگه‌رێن په‌كه‌كێ ل نێزی گوند و سنۆرێ باژارۆكان، ئه‌ڤ ده‌ر به‌رده‌وام دكه‌ڤن به‌ر بۆردۆمانان و زیان ب خه‌لكێ گوندان دكه‌ڤیت، خه‌لكێ گوندان د خوازن چه‌كدارێن په‌كه‌كێ خوه‌ ژ گوندێن وان دوور بكه‌ن ژ بۆ كو گوندێن وان نه‌بن مه‌یدانا شه‌ر.

هێژای گۆتنێ یه‌، ل ڤان دوو سالێن داویێ، هه‌گه‌ر رێخستنا په‌كه‌كێ شه‌ر ب پێشمه‌رگه‌هێن باشوور نه‌فرۆشتبا و رێ ب پێشمه‌رگه‌هان دابا ل ده‌ڤه‌را به‌رواری بالا جیهـ بگرن، ئیرۆ ناڤچه‌یێن وه‌كه‌ زنارا كێسته‌ ژ هێلا ده‌وله‌تا تركیێ ڤه‌ نه‌دهاتن داگیر كرن.

پوستێن ھەمان بەش