دادگه‌ها تێهه‌لچوونێ یا باشوورێ كوردستانێ، جه‌زایێ ئاژانێن رێخستنا په‌كه‌كێ په‌ژراند كو 6 سالێن زیندان كرنه ژ بۆی هه‌ر یێك ژ وان.
ئیرۆ رۆژا سێشه‌می 4/5/2021ان، هات راگهاندن كو دادگه‌ها تێهه‌لچوونێ یا باشوورێ كوردستانێ، جه‌زایێ ئاژانێن رێخستنا په‌كه‌كێ ل ده‌ڤه‌را به‌هدینان كو 6 سال زیندان كرنه ژ بۆی هه‌ر یێك ژ وان په‌ژراند، مه‌له‌فا تاوانبارەکێ دی یێ ب ناڤێ به‌ده‌ل به‌رواری ژ بۆ دوباره له‌كۆلینێ ڤه‌گه‌راند.
هه‌ر یێك ژ «ئه‌یاز ئه‌كره‌م، شێروان شێروانی، شڤان سه‌عید بەڕۆشکی، گوهدار محەممەد زێباری و هاریوان عیسا» ل 16 شوباتا ئیسالێ ب تاوانا سیخۆرتییا ژ بۆی رێخستنا په‌كه‌كێ هاتنە دادگه‌هـ كرن، هه‌ر یێك ژ وان ب 6 سال زیندان كرنێ هات جه‌زا كرن.
ئه‌ڤ ئاژانێن په‌كه‌كێ ل ژێر ناڤ و په‌رده‌یا مه‌دیا و رۆژنامه‌ڤانیێ كارێ سیخۆرتیێ دكر، پاش كو دادگه‌ها وان ب داوی بووی، دادگه‌هـ ژ هێلا به‌شه‌كا ئالیێن سیاسی و رێخستن و چالاكڤانان هات ره‌خنه كرن.
سازییا دژه ته‌رۆرا باشوورێ كوردستانێ پشتره دیمنێن دانپێدانێن وان ژ بۆی رایا گشتی پارڤه‌كرن، لێ به‌لێ رێخستنا په‌كه‌كێ ژ بۆ كو ڤێ جینایه‌تا خوه ب په‌چنه، هنه‌ك ژ گوندیێن بنارا قه‌ندیلێ وه‌كه ئاژان دان ناس كرن و دیمه‌نێن وان پارڤه‌كرن.
