پشتی کو رۆژنامەیا دەیلی مەیل یا بریتانی نووچەیێ تووش بوونا 169 زارۆکێن کوردێن ئێزیدی یێن رۆژئاڤایێ کوردستانێ ب نەخوەشیەکا دگمەن، بیانی و سەیر ل وەلاتێ سوێدێ راگھاندی، ئەندامەکێ ئەمینداریا گشتی یا ئەنجوومەنا نشتیمانی یا کوردی ل سووریێ، رەد کر کو ھەژمار راست بیت، تەکەز کر کو ئەو رەوشێ دشۆپینن.
سەرحان عیسا، ئەندامێ ئەمینداریا گشتی یا ئەنەکەسێ، د چارچۆڤەیا بەشداریا خوە د بولتەنا ئارک تیڤیێ دا ل سەر وێ نەخوەشیێ ئاخڤی و گۆت: ھەژمارا تووش بوونا 169 زارۆکا دوورە ژ راستیێ. ناڤبووری تەکەز کر: ئەو ب ئەرکێ خوە رادبن دا کو پێتر ئاگاھیێن ل سەر رەوشا وان زارۆکان د رێیا پزیشکێن کورد، و رەڤەندا کوردی دا وەربگرن.
ل گۆری رۆژنامەیا دەیلی مەیل: ئەو زارۆک دکەڤنە رەوشەکا بێھشیێ دا، و رادکەڤن، بێ کو ئەندامەکێ لاشێ وان تووشی پرسگرێکەکێ ببیت.
ژ ئالیێ خوە ڤە، سۆزان ئۆسۆلیڤان پزیشکا سەرپرشتیار دا زانین: زارۆک ل گۆری پێلێن مەژی ژ خەو شیار دبن و دەمەکێ زێدە د بێھشیێ دا دمینن، تا نھا نە پزیشکان و نە ژی لێکۆلینان سەدەمێن راستەقەقینە یێن ڤێ نەخوەشیا دگمەن ئاشکەرا نەکرنە، لێ تێستێن ژ بۆی وان ھاتیە چێکرن دیار دکەن کو کەتنە رەوشەکا دەروونی، ژ بەر کو پەنابەریا وان ھاتیە رەدکرن.
ھەمان پزیشکا سەرپرشتیار تەکەز دکەت کو ئەو زارۆک ژ کوردێن رۆژئاڤایێ کوردستانێ و ب تایبەتی ژ کوردێن ئێزیدی نە، لێ ژێدرێن تەکەز دکەن کو ھەژمارەکا زێدەیا کوردێن ئیزیدی ل سوێدێ نینە، لەوما ئەو ھەژمار نە راستە.
