G7 ژ بۆ جێبەجێکرنا ھەموو بەندێن چارەسەریا سیاسی ل سووریێ پێکهاتن

G7 ژ بۆ جێبەجێکرنا ھەموو بەندێن چارەسەریا سیاسی ل سووریێ پێکهاتن

بەریا ھلبژارتنێن 26ێ گولانێ یێن سەرۆکتیا رەژیما سووریێ، وەلاتێن مەزنێن جیھانێ جارەکa دy ژ بۆ ھەولدانێن چارەسەریا سیاسی ل سووریێ کەتنە تەڤگەرێ.

ھاتە راگھاندن کو د جڤینا وەلاتێن G7 یێن پێشکەتی دا کو دۆھی 5ێ گولانێ ل پایتەختا بریتانیا لەندەنێ ھاتە لدارخستن، ھەموو وەلاتێن زلھێزێن جیھانێ ب پێشەنگیا ئامەریکایێ رێکەفتینە کو ھەموو بەندێن مادەیا 2254 یا نەتەوەیێن یەکبوویی بۆ چارەسەرکرنا کریزا سووریێ ب رێیا سیاسی بهێنە بجھئانین.

ھاتە دیارکرن کو وەزیرێ دەرڤەیێ ئامەریکایێ ئانتۆنی بلنکەن گۆتیە، وەزیرێن دەرڤەیێن کۆما 7 دەولەتێن مەزن، د جڤینا خوەیا لەندەنێ دا تەقەز کرنە کو ئەو پابەندی گھیشتنا چارەسەریا سیاسی نە ژ بۆ بداویکرنا شەرێ سووریێ.

بلنکەن بەریا سەردانا لەندەنێ ژی ل سەر تویتەرێ پەیامەک بەلاڤ کربوو و گۆتبوو، ئەو و ھەمپیشەیێن خوە پابەندی دیتنا چارەسەریەکا سیاسی نە ژ بۆ بداویکرنا شەرێ سووریێ و پشتەڤانیێ ددەنە دەستپێکرنا میکانیزما خەباتێ یا شاندنا هاریکاریێ بۆ سووریێ ژ ئالیێ نەتەوەیێن یەکبوویی ڤە.

بلنکەن دایە خویاکرن، ئەوێ ژ بۆ پێکانینا ھەموو بەندێن بریارا 2254یا ئاساییشا ناڤدەولەتی یا نەتەوەیێن یەکبوویی و بداویکرنا ئازارێن گەلێ سووریێ کارێ خوە بەردەوام بکەن.

ھێژایی ب بیرخستنێ یە، بریارا 2254یا نەتەوەیێن یەکبوویی 18ێ کانوونا 2015ێ دەرکەتیە و تەکەزیێ ب راوەستاندنا شەر و ئێریشان ژ ئالیێ ھەموو ھێزێن ل سووریێ دکەت و بانگا پشتگریا ھەولدانێن پێکانینا ئاگربەستێ دکەت.

ل گۆری بریارێ ژ نەتەوەیێن یەکبوویی تێ خواستن کو ھەموو ئالی ل ھەڤ بجڤن و دانووستاندنێن فەرمی پێک بینن و ھلبژارتنێن دروست د بن چاڤدێریا نەتەوەیێن یەکبوویی د بهێنە ئەنجامدان.

پوستێن ھەمان بەش